بعض الهقاوي

السلام عليكم ورحمة الله وبركاته

تحياتي لكم جميعا وأشارككم هذه الأبيات عسى أن تروق لكم والعذر والسموحه على القصور .....

[poem=font="Simplified Arabic,6,darkblue,bold,normal" bkcolor="transparent" bkimage="backgrounds/2.gif" border="groove,4,royalblue" type=0 line=0 align=center use=ex num="0,black""]

والله إن بعض الهقاوي مستحيله=كنها طيرٍ على غصن شجره
لاتدور لك على العسره وسيله=وأنت منت بحاتم ولا عنتره
أبرهه ماطيحه من فوق فيله=غير طيرٍ شق راسه بحجره
ساقها الله من جهنم للي هي له=وأستقرت بين بطنه و ظهره
كل رجلٍ عاقلٍ قلبه دليله=وكل مسلم راضي بحكم قدره
من يعقل الشارده والله وكيله=جاه كل الكون تسحبه شعره
أحمد الله كل صبح وكل ليله=دامني أشل حملي و أقدره
راس مالي واحدٍ يسوى قبيله=ولا مية رجال تسواهم مره
إن برك مثل الجمل شل الثقيله=وإن وقف في ذمتي عن عشره
صاحبٍ لجيت يمه أشتكي له=ضف علمي في جنوبه و ستره
طيبٍ من طيب راسه والفصيله=ماقعد وسط المجالس وأنشره
في سكوته عز وأخلاق وفضيله=وإن تكلم كل كلمه جوهره
جعل يبطي حي وسنينه طويله=صاحبٍ ماقد زعل ولا شره
كم صديقٍ يذبح بغدرٍ وحيله=ماعرف حق الصديق و قدره
قاتلٍ و يعزي جنازة قتيله=والمصيبه شال نعشه وأقبره
يالله المعبود يامنشي المخيله=تحرمه من الضنا وتمسح ثره

[/poem]

[align=center]وسلامتكم
فهد آل عليه المري[/align]

بيض الله وجهك على المشاركة

الله ﻻيهينك أخوي منصور لمرورك الميمون و هذا من طيبك و رقيك ﻻعدمناك
تحياتي