ما كني الا مجاهد ( من هل الضـفّـه ) !

( من هل الضفّه )

اتمنا ان تنال على شرف الارتقاء لـ ذائقتكم ..


ٰ

ٰ
في ليلة البرد فــانـوس الملـل طفّــه
يا الهاجس اللي ` لزوم ان جيت تفضالي

جددْ حماس الشعر واللي برد دفّـه
ولا تنثني ساقك الا فوق الاطــلالي

صدر الرحوب انفرا والشوق قد هفّـه
يا ليت الايـــام للماخــوذ تبـرالي

من مبسم اللي سوات اللول مصطفّـه
ايقـنت بني نشبت وصعب منـزالي

لن جيت اعيد النظر … اخشا من الخفّـه
وان عشت دور الثقيل اشفق على حـالي

قفا وخلا " الثـقيل وشـــام عن شفّـه
وانا سوات اعـــزلن مشـروب فنـجالي

يا بخت منهو معك ( في ليلة الزفـه )
عــز الله انه وردْ .. وحبــاله اطـوالي

ٰ

ميــــزان الايام ما يرجـــح لنا الكفّـه
يومن الاحلام شـابت وهي في بـالــي

ما كني الا مجاهد ( من هل الضـفّـه )
من دونها بـ الحصا لو قطّع اوصــالي

نطــــرد وراهــا بجـنــحانٍ لها رفّـه
طير الامل بـ الجناح يرف بالعـالي

اليا لحقنا بعضها .. يقــتــنع شفّـه
وان غيّــبت … جيت راجع لك وانا لالـي

هذا تـــرى شاعــــرك والحــظ ما دفّــه
يمكن يبـــالـغ » ويمـكنّــه يــورالي

ٰ

فهد المنصوري
( الدقيس )

ميــــزان الايام ما يرجـــح لنا الكفّـه
يومن الاحلام شـابت وهي في بـالــي


صح الله لسانك وبيض الله وجهك على النص الثري والجزل يافهد ...

فهد

صح لسانك

ابدعت بحق


تقبل تحياتي