[align=center]هذه قصيده وطنيه بمناسبة إحتفال محافظة ميسان باليوم الوطني والذي يعد الثالث والثمانون على توحيد
المملكه العربيه السعوديه على يد المغفور له باذن الله الملك / عبدالعزيز بن عبدالرحمن آل سعود.
بحضور سعادة الاستاذ محافظ محافظة ميسان /تركي بن خالد بن حميد
[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=sp num="0,#400000"]
بسم من كوّن الكون وخـلق ليلٍ قفاه إنهـار=تعاقب بأمـر مولاهـا تعالـى جـل مولاهـا
خلق للناس ليل إلباس جاعل في سماه انـوار=تـدل النـاس للقبلـه وترشدهـا بمسراهـا
رجومٍ للشياطين اللي تصنـت علـى الأخبـار=تحاول تسرق السمع وشهـب ربـي تولاهـا
وخلق للخلـق سبحانـه نهـار بمنهـجٍ دوار=ليا قفى ظلام الليـل فيـه الشمـس شفناهـا
جعله الله معاش ومن ينام الصبح خيره طـار=لان الله يـوزع فالصبـاح أرزاقٍ أصخـاهـا
هلا يامرحبا ترحيب أسوقه من غلا الحضـار=معطر بالورود اللـي قلـوب النـاس تهواهـا
أسوقه للمحافظ يوم شـرف عالـي المقـدار=سعادتكم حضوره يثلج صدورٍ به إتباها
وأرحب بالدوايـر والشيوخ اللي تحـكم الشار =مطانيخ الشيوخ اللي على سيسـان مرساهـا
وأرحب بالضيوف من القبايل من وفا وإبـرار=قبايلنا العريقـه نفـرح إبهـا وإنتحفواهـا
ورجال العلـم والاعمـال نعـمٍ كلكم تجـار=تجـارة علـم وامـوالٍ بكـم حنـا كسبناهـا
هلا في حفل فرحـه للوطـن نعدهـا تذكار =هلا بمحافظة ميسـان جعـل الـرب يحماهـا
ويحمى من ولاها جهــد وإهتمـام بإستمرار=سمـــو أمير مكـه خـالد بتوجيهه أولاها
لحيث إنه وجـد فيها الشموخ وشـرّد الافكار= تداعـب ملهـمة شعـره من اول مـرةٍ جاها
هذي بنت السحاب اللي تزينها قمـم وأشجار= ضبابٍ فالشتاء والصيف غيـم السحب يزهاها
عسى الله يحفظ أمن الممكله والقاده الاخيـار=سلايل صيرمي وحـد بـلاد العـز وأحياهـا
سرى من دار إخو مريم على خيل وهجن ظمار=معه حـول أربعين من النشاما حيّ مجناها
رياجيـلٍ تفـادا مـن وفاهـا دوم بالاعمـار=تسالم من يسالمها وتوقـف صـف لاعداهـا
وصبَح فالرياض القصر وانّهى عسكر الأسوار=وساق الله لعـجلان السهوم وراح بأقواها
ونـادا منـادي إن الحكـم لله ثـم للمغـوار=لمن ساق المطايا في سبيـل الحـق واحفاهـا
وواصل زحفه بقوة عقيده في خفى وإجهـار=يصبح قوم وإلاقـوم مـن سطوتـه مساهـا
ألين إلتم شمل المملكـه وانزاحـت الاخطـار=وساد الامن فالدوله من أدناهـا ليـا أقصاهـا
وعطوه أجدادنا عهـدٍ وثيـق ولابنـا غـدار=وبيعه صادقه كلٍ من اقصـى قلبـه أعطاهـا
بعده إهتم بالتوطيـن والتعلـم وإلـه إختـار=رجال تعلم أهـل الباديـه والمـدن وإقراهـا
ووصى عقبه عياله سعود وفيصـل الاحـرار=وخالد والفهد جعـل الجنـان الكـل فاعلاهـا
وعقب الفهد عبدالله عساه من السقوم مجـار=عسى إسهوم المنايا سيـدي روحـه تعداهـا
طنخ شعبه وخلا دولته منها الشعـوب تغـار=وتحسدنا على الأمـن ونِعَـم نعـده أغلاهـا
امر زود الضمان مع الرواتب وإدعم الاسعـار=وقروض معجله وأسكان بامره جاري إنشاهـا
وبنى مستشفيـات وجامعـاةٍ تلفـت الانظـار=و وتعبيد العقاب اللي من اول صعب ممشاهـا
وكـم مـن توسعه للمسـجدين إلخدمة الزوار=وقـطارات ومشاريع السـيول اللـي تبـناها
ثمانين وثـلاثٍ .فوقهـا نعيـش فإستقـرار= بفضـل الله وثـم كتابـه وسنـه نهجنـاهـا
وسلمان السعد سلمان لامن عمست الأبصار= إله نظره بعيـده صايبـه وإعـداه تخشاهـا
على العدوان والأنذال من رب الخلايق نـار=وعلى شعبه سحابـه مدلهمـه منتثـر ماهـا
ولي العهد نايب للملك وافـي طويـل أشبـار=حليمٍ عادل وكلمته تمشـي حسـب مجراهـا
ومقرن نايبه سلطه من المولى على الأشـرار= ليا لد بخصومـه كـم علـومٍ منـه تنساهـا
محـنك يكتشف من نظرة اللي ينظر إله أسرار= لو إنه صـد عـنه ونيته فالصـدر خـفـاها
حكيم وعادلٍ منصف عوين اللي لـحقه أضرار=من سنين الفقر والجــوع وإلا ناس خـاواها
وبن نايـف محمد جـعل أبـوه بجنة الأبـرار=على نهـجه نهـج وأقـدام رجله ثبّت إخطاها
وزيـر الـداخليـه محـكم القبضه على الأقطار=عدو أهل الضـلال اللي على التخريب مسعاها
مـن إخلاصـه وباسه كـم خـلايا ولّت الأدبار=خذت عبره مـن اللي روسـها بالسيف وطّاها
بلادي كلنا جنـودك لـيا مـن الثمـيدي ثـار= نطى فـوق المخاطر مـن صـطرنا ماحسبناها
نحبك حب منه أهل الحسد وأهل الفـتن تـحتار=ونفـداكي بـدم وروح واللـي نملك سـواها
من البحر الحمر للسـاحل الشـرقي لا ضلع شعار=ومن جـيزان للخفجي من الأعدا حمـيناها
ثلاثٍ دونـها المـوت الحـمر مادونـها مـعذار=ملكـنا والوطـن والديـن ويـل اللـي تمناها
هـذا مسك الختام وقول شاعـر ماعلـيه غـبار=حسيكي حـارثي لا قـال كلمة حــق يحمـاها
[/poem]
[align=center]الشاعر/
حسين بن داخل بن دخيل الله بن غصن الحسيكي الحارثي
17/ 11/ 1434هــ[/align]
تعليق