حكم عبدالعزيز وصيّر اللي مايصير يْصير

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بديت وباسمه ابدا مابتدي في غير واسمه غير=ماغيره بيّن المسموح والممنوع باياته
يغيب الشر بامره واعتماد امره يدوم الخير=ليا ضاقت صدور الناس ماضاقت مساحاته
تهاني وابرك الحزات والفرحه لها تبرير=تموت احيا الاوادم والحدث ماتموت بصماته
على ذكر المؤسس كل عام لوحدته تذكير=لنا يومٍ مخلد في كتاب المجد صفحاته
حكم عبدالعزيز وصيّر اللي مايصير يْصير=وضف وضاف قومٍ مايضف ولملم شْتاته
دخل نجد العذيه رافع التهليل والتكبير=كسب ماينكسب في طاعة المولى بطولاته
جمع شعب وبناء دوله لها بين الدول تقدير=على هدي الكتاب وسنة محمد رسالاته
رحل لكن بقى تاريخ وُموثق ماهو تزوير=عسى قبره عليه الغيث ماتنكف قطراته
وخلّف من نهج نهجه صقورٍ ماتبي تصقير=حرارٍ منه تُوصف لاكشفناها سجلاته
تميّز عهدهم بالطف والترغيب والتيّسير=هدفهم للمواطن في رغيد يْقضي اوقاته
وابومتعب سياساته يسيرها على تدبير=يهز اكبر مقاديم الدول لااصدر قراراته
يدير ومايدار بحلم فوق العلم يوم يدير=يعين المسلمين ودوم للأسلام فزعاته
عضيده نايبه سلمان ضوه ينتشر وينير=عدو الظلم للمحتاج وقفاته ونفعاته
قوي الباس شامخ راس صعب ونظرته تصوير=ليامن حل حل معقدات بْكل قدراته
وحنا في زوابع غيرنا مانشغل التفكير =على سترة نجاة الامن سور الدار وحماته
وطنا نبتر الشرير فيه وزمرة التكفير=معزتنا ثوابت في قلوب اعلى قياداته
على حب وُلاء لْقيادته وانجابه التغير=نضد اللي على الباطل وغير الحق ثوراته
سمينا في سمانا واعتنقنا نهضة التطوير=تعلمنا ثقافاته وعلمنا حضاراته
وتمت والنهايه شاعرٍ ماخانه التعبير=لكم من صادق الأحساس ينقلها تحياته [/poem]

[align=center]العلم الشااعر حمد الدليهي

صح الله الساانك ولله دررك

ابدعت

تسلم ويسلم فكررك الرااقي [/align]

عـلـى ذكــر المـؤسـس كــل عـــام لـوحـدتـه تـذكـيـر
لـنــا يــــومٍ مـخـلــد فــــي كــتــاب الـمـجــد صـفـحـاتـه
حـكـم عبدالعـزيـز وصـيّـر الـلـي مايصـيـر يْـصـيـر
وضـــف وضـــاف قـــومٍ مـايـضـف ولـمـلـم شْـتـاتــه
دخــــل نــجـــد الـعــذيــه رافـــــع الـتـهـلـيـل والـتـكـبـيـر
كـسـب ماينكـسـب فـــي طـاعــة الـمـولـى بـطـولاتـه
جمـع شعـب وبنـاء دولـه لهـا بيـن الــدول تقـديـر
عـلــى هــــدي الـكـتــاب وســنــة مـحـمــد رســالاتــه
رحــل لـكـن بـقــى تـاريــخ وُمـوثــق مـاهــو تـزويــر
عــســى قــبــره عـلـيــه الـغـيــث مـاتـنـكـف قـطــراتــه


اللهم آميين
وصح لسانك شاعرنا
ولاهنت على هـ الوطنيه الشااامخه والأبدااع الفااخر

تقديري لـ هكذا شعر,’’

ابوسعد سجل اعجابي في ابداعك

[align=center]صح لسانك وفكرك ابدعت لاهنت [/align]