لو النداوي يصارحني

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لو النداوي يصارحني ببعض الامور=يقرا الرساله على سن القلم والسطر
ويكتم اسرار الرجال اللي بوسط الصدور=حتى لو انه يصلي ركعتين الفجر
انا مع الشايب اللي خاض كل الأمور=وان مات ربي يجيره من عذاب القبر
الأرض فيها ثمر لوكان فيها دهور=وفيها بعد ياحمد غير الثمر والدهر
لاشفتني خل عينك في عيون الصقور=علمني علوم ابو عباس ,,وابو عمر
لكن لاتنشد الطرقي عن اهل البحور=الطرقي اشدخله بأهل السمك والبحر
ياللي قنصت وذبحت النمر بين النمور=كيف العمل بالنمور الباقيه يانمر
انتم عرب علمكم عند الرجال مخبور=وحنا عرب علمنا معروف عندك خبر
عسى ديار العرب تصبح وتمسي بنور=وهل فوق الديار الممحلات المطر
يسقي ثراها يالين تصير ورد وزهور=ويرتاح فيها الفقير اللي ذبحه الفقر
الصاحي اللي يعرف اللي كتب بالسطور=وإلا الغبي يحسب الدعوا هلال وقمر


[/poem]

الله الله
كيف رجعتنا للنداوي
يابن هضيبان

ناصر يامرحبا
صح بدنك
والله الساعه المباركه
ياشيخ انا كان ودي انك تقرأ القصيده والحمد لله.
😏

ياللي قنصت وذبحت النمر بين النمور
كيف العمل بالنموووور الباقيه يانمر

النمر هذا يابو سلطان شرس جسور
من قو باسه على قوم حشيمه طمر

اثرك ليا ثار حامي الدار طبعك تثور
وتسير كنك يابو سلطان واطي جمر

خابرك رجل على الشدات صلف صبور
وﻻتهزك رياح حولت بالتمر

ابن هضيبان
قصيدك غير وانت غير
صح لسانك