الـــشـــــلاليه

السلام عليكم ورحمة الله وبركاته

اضع بين انظاركم هذه المشاركه واتمنى ان تحوز على رضاكم


[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
العولمه والتعصب والشلاليه ( = ) خلت الاوادم تعيش بغير واقعها
تسببت في جرايم حرب دوليه ( = ) واثر على صفحة التاريخ طابعها
خلت قلوب العرب بالبغض ممليه ( = ) محبة الذات والشهره وتابعها
تجبر هل العرف والناس المثاليه ( = ) تمشي مع شارع ً ماهوب شارعها
وكل ٍ يقول المعرفه والفخر ليه ( = ) والناس نعرف مداها من روابعها
حتى المواهب غدت شبه احتلاليه ( = ) لو انها بيد بعض الناس قطعها
حسادنا بالردى والخبث مبليه ( = ) لكن تبطي وهي تفرك مدامعها
نبني على الصدق وانكب الخياليه ( = ) ولانحسد الاوادم في منافعها
وقت ٍ عسى الله يخارج من تواليه ( = ) اهل الوفا فيه ماتحمد صنايعها
هذي حقيقه ولاهي بااحتماليه ( = ) ترجمتها لجل قاريها وسامعها
حتى الصدور الوسيعه والشماليه ( = ) تصرف الوقت غير في طبايعها[/poem]

وسلامتكم

اخوكم بطي بن ناصر الاكلبي

[align=center]بطي بن ناصر الاكلبي

سلمت ودمت ومليون شكر لك
على القصيده الواقعيه والمعبره
لك اجمل تحيه وتقدير[/align]