الفتن والمنكرات إكثرت جوف إبلدي

قصيده بمناسبة طرد رجل الهيئه عندما حاول ايقاف الفنانه اريام والموسيقى الصاخبه ..وتم طرده من قبل رجال الحرس الوطني بطريقه لاتليق بوحده مثل الحرس الوطني ودوله مثل المملكه العربيه السعوديه....

[poem=font="simplified arabic,5,#0a00ff,bold,normal" bkcolor="" bkimage="" border="none,4,#400000" type=2 line=0 align=center use=sp num="0,#400000"]
ياوجودي وجد من حده الحظ الردي=لامعه فاليد مالٍ ولاربعٍ معاه

إن دعي في مجلسٍ مالقاله مقعدي=وإن جلس في منزله قالوا البخل إحتداه

وإن هرج محدٍ سمع له ولو رايه قدي=وإن سكت قالوا كثير الخلايق وش بلاه

وإن حضر تاجر وفاجر له الكل أجلدي=لووووّ هرجه حادر الوادي الكل ارتضاه

آتوجد مثل وجده وانا الخير بيدي=مال وعيال وبفضل الولي وجهاً وجاه

مير اشوف الشر مقبل عجل يعدي عدي=اخره وصل الحسا والقطيف وماوراه

وأوله وصِل أطهر إتراب للي يسجدي=وصل مكه والمدينه ونجد مع السراه

والعرب في نومهم مهتنين المرقدي=مادروا باللي يخطط من هناك وهناه

اليهود الكل منهم يبي نجم الجدي=عقب طاح سهيل والسبّع اللي في سماه

يازعيم العرب خادم لدين ومسجدي=الوطن والدين والعرض مانرخص غلاه

الفتن والمنكرات إكثرت جوف بلدي=وأصبحت عادي بحكم التقدم فالحياه

إنفتاح وتقنيه شرها مستطردي=وإختلاطٍ فالمحافل وإهانه للقضاه

كيف يطرد شيخ ينصح وللشر ينقدي=لاجل مرأه داخله من تحت كم العباه

ماجنه بين المهستر وبين المهتدي=تصدح وتمزح بصوت يشدّ الإنتباه

إتق الله ياملكنا وللشر أبعدي=قبل يسخط ربنا جل شانه في علاه

لاتهاون فالأمور الخطيره وإنغدي=مثلما ضاعت دول كبت فروض الصلاه

إحكم إحكم قبضتك لاجل كلٍ يسعدي=وتستمر الدوله وعهدنا نبقى علاه

الحرايق من شراره صغيره تبتدي=كان ماباشرتها بالمطافي والمياه

أحرقتنا كل أبونا ومتنا يابعدي=وإفرحوا من في تلابيب ثم أحواز شاه[/poem]

صح اللسانك يالحارثي

محمد


صح بدنك يالغالي

ودي وتقديري للجميع