عظم الله اجري . . ! نوت

[align=center]بسم الله الرحمن الرحيم







بعد غياب عن صرح الادب الاول . . ولا عذر




لكن قلوبكم اكرم . . .




اتمنى قبول هالبويتات . .









سابقاً كنت أقول :


[poem=font="Simplified Arabic,4,#2975F0,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

لا يغرك لو ان وقتي كثيره سكوت = وسط صدري لجيج ووضع قلبي خطِر
وانت ياللي تحث الهجس يبني بيوت = من بدايات شعري لين آخر شطر
لايطيح اللثام ..يبان خوخٍ وتوت = لا تفل الليالي ..ثم يفوح العطر
كان ربي عطاك الحسن كله يا نوت! = ما يذل العواجي . . لايصيبك بطر
الوصل للهوى يانوت يا كنه قوت = لو يصوم المعنّا ,مات لو ما فطر
وانتي اللي خفوقك كل يومٍ يلوت = لا اشتهيتي صيام.. ولا اشتهيتي فِطر
المحبه تراها دون وصلٍ تموت = مثل غصنٍ يباسٍ ما رواه المطر[/poem]



وحالياً اقول :


[poem=font="Simplified Arabic,4,#000000,bold,normal" bkcolor="undefined" bkimage="" border="none,4,#400000" type=2 line=0 align=center use=ex num="0,#400000"]


إنكشف ما بجوفك مير ياصاحبي = عظّم الله . . اجر اللي بحبك شجاع

انتهض بين خلق الله وقال العبي = مهرة القاف لعيونه ودن اليراع

صاد لك من جزيلات المعاني ظبي = خاطفه لاجل عينك من يدين السباع

مجزلٍ بالعطايا دون ماهو يبي = ولاطلب كود وصلك يا حسين الطباع

ما جذبنا هوى الخفرات يا اهل العبي = كود منهو بثغره يتضح لك صراع

من متى والبَرَدْ والجمر دق اصحبي = من متى الليل الادهم متصل بالشعاع

ياخطاة الكحيله اهذبي واهذبي = يا عيون الذي ما ينزل الا الرفاع

الوصل شيخ قومٍ والفراق . . يهبي! = في عيوني حسابه مثل سقط المتاع

ما هقيت بحياتي ان ذا ..ما تبي؟ = انكسر قدم عينك ويتباشر رعاع

لكن الوقت له دوره وذي بشنبي = سيف بقعا شطيرٍ والليالي جياع

يوم تجفا عذوقي عقب كلت عنبي = ما يشادي سواتك كود فعل الضباع

والعرب هم هل الشيمه ولانتب غبي = بعد فعلك حشى مافيه داعي وداع

وان تبادت اطيوفك حَرمْ قول ارحبي = من بغانا نبيه ومن رخصنا يباع[/poem]


وسلامتكم[/align]

لافض فوك عبرت واجزلت