الورد , والشوك

[align=center] السلام عليكم ورحمة الله وبركاته
اسعد الله اوقاتكم بالخير
وقصيده بعد غياب اضعها بين يديكم لاهنتوا[/align]

[poem=font="Traditional Arabic,4,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]


من يزرع الشوك ؟ يحصد شوك بالتالي=ومن يزرع الورد ؟ يقطف من بساتينه
حلفت راع الخطأ مالقي له البالي=ماني موكل على " شهار" ومجانينه !
وان كان بعض العرب ما يعجبه حالي=ماهمني ! واجعل الله بيني وبينه
"محمد" أشرف نبي في كل الاحوالي=وثلاثة أرباعهم ماهم على دينه
ومن ضاق صدره علي ؟ لاياقف قبالي=وان غاب مسموح ماني ناشدن وينه ؟
ماشره على اللي مشى في " كعبه العالي"؟=أشره على اللي أنا وياه من طينه
هذا زمان الذهب والمركز المالي=ما يرتفع راس شيخ الا بملايينه
ماعاد للسيف فعل بعصرنا الحالي=لو كان للسيف عينٍ ؟ تنكسر عينه !
مدري " اثمي" المر ؟ والا الماء ماهو حالي!=تكدر العيش وقرقع في مواعينه !
لاعاد يا " طارق ابن زياد" تختالي=وماعاد تنفع " صلاح الدين" حطينه !
واقول أنا" طويق" لكن مالي ظلالي!=إهب يا " العبد" ظلك باسط ايدينه !!
[/poem]

العبد= جبل صغير في الجوف
طويق= غني عن التعريف

عبدالرحمن المرخان

شاعر المواقف المختلفه وفي كل موقف

له بصمة ابداع غير مستغربه هنا هاجس

مختلف واقع يحاكي مشاعر الشاعر ابدع

في تجسيد معانيه0 صح الله لسانك بعد

غياب حضور ماطر بالتألق

لافض فوك سطرت فابدعت