الشايب القرم ابو دقنٍ حمر

[poem=font="Simplified Arabic,6,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شف بالي شبة النار في عطفة مسيل=في مكانٍ ما للإرسال بأطرافه ذمر
يوم شبت في دقاق الحطب وخذت قليل=كن عود الطيب في لب عيدان السمر
في طرفها الدلة اللي لها خصرٍ نحيل=من دلال الشايب القرم ابو دقنٍ حمر
الأمير ابو سعود المطيري بن محيل=لو يقول امشوا مشينا وهو يامر أمر
لايزال بعادة البدو بايام الرحيل=يوم كانوا يخلطون المضير مع التمر
يوم غذاها بمقدارها بنٍ وهيل=عن لهيب النار طرّف لها الشايب جمر
حولها جلسة نشاما وهذا وقت ليل=والسوالف دوب زانت على ضو القمر
والقصيد العذب كنه شرابٍ سلسبيل=للكبود اللي ضماها تطور وإستمر
كم قصيدة تنقل الفكر من جيلٍ لجيل=كنها مابين جيلين معراج وممر
وكم قصيدة رجعتنا على ماضي جميل=ذكرياتٍ نعتبرها رصيد من العمر
واعتقد بيتين حكمة من الشعر الجزيل=تطرب السامع ويلقى بها العاقل ثمر
خير من خمسين بيتٍ من الوزن الثقيل=كلها في جيب فكسار وإلا في همر[/poem]

رجعتني للماضي الجميل

حكيم يا الطلحي وما كذب من قال شاعر الحكم
صح لسانك واعتلى شانك

اسلم وسلم

ياسلام لله درك يالغالي درر من شاعر متمكن وجزل

للشعر هدف ومعنى وانت اصبت الهدف والمعنى

تحياتي