اللابة اللي حدرو من تهامه

الابه اللي حدروا من تهامه=على ظهور المسرجه ياضنا يام
ياذا البهم والله ان تباري الجهامه=الين تنزل بين صفوا والاوجام
هذا كلام اللي يبرهن كلامه=بالفعل والتاريخ يشهد والاخصام
هذا ابن هادي اللي تعلا مقامه=للجار ستر وساعة الحرب مقدام
وانتو بعد منكم سليل الزعامه=راكان ابن حثلين فارس وضرغام
تسعين رمحٍ ركزت بالعدامه=عشرين منها بين راكان وحزام
هذا كلام اللي ليوم القيامه=يبقا شنار لمحلف طول الايام
واليوم تبرا شرهتي والملامه=هيبة هل العوجا تحت ضل الاسلام
ياهاجسي شاعرك غاية مرامه=الشاردات اللي بلا قيد واخطام
فيها من عيون القصايد وسامه=نوادرٍ مامرها كل سوام
بني مضيمه وصفها من تمامه =ولا بنات النادر الهرش تمام
تحضا بذوق المستمع واهتمامه=حوليةٍ تاتي من العام للعام
من بعدها مالاح برق الغمامه=وعداد من كبر وصلى ومن صام
سعيد ابوديه يقدم سلامه=على رجال قدرهم فوق وحشام
حلفٍ ينومسنا فعول وقرامه=يام ابن يصبا يام شجعان واحلام
لضيف ريف وللمسير كرامه=ولضد سمٍّ ذايحٍ قاتلٍ سام
حرابهم ماحصل الا الندامه=يام الاحلام مزبنة كل منضام
عدوهم مايهتني في منامه=مثل البحر لاجا لموجه تلطام
والمجد والتاريخ ذروة سنامه=شيخٍ صدا ذكره بقا طول الاعوام
راكان ابن حثلين للمجد هامه=فعله لكم يايام تاريخ ووسام
في ساعةٍ فيها ياقل السلامه=انا اشهد انه فارسٍ فذ وهمام
يوم اسجنوه الترك كان انتقامه=يذهل عقول القوم ساده وحكام
فعايله في خد الامجاد شامه=الشامخ اللي حزة الضيق جزام
المجد فعله والمراجل مرامه=وخلف رجاجيلٍ لهم صيت واعلام
ياحفاد ابن حثلين ياهل الشهامه=امجادكم تاريخ والموقف الزام
ومحمد ابن الذيب ينخا حزامه=وانتو هل الفزعات يايام وحزام
قولو لابن حثلين راعي الزعامه=الكايده لشيخ والحكمه الهام
ومحمد ابن الذيب فيك التزامه=لزما لزوم اللي من الوقت منضام
انصو هل العليا وشيخ نظامه=للعدل سيف وللعرب قدر وكرام
والشيخ له قدر ومقام وفخامه=ومقدار بن حثلين عند العرب هام
والشعر له معنى وهيبه وقامه=وابن نفل صقرٍ على النايفه حام
شاعر والابداع يتقلد وسامه=من قبل شعار الحداثه والاعلام
من طيب ناصر فارض احترامه=وفي موقفه حلحيل ويحطم ارقام

[align=center]الفاضل سعيد الحازبي..أنت شاعر جزل ورجل حكيم ومحنك وعارف أتمنى أن يتسع صدرك لبعض الملاحظات :

المطلع يستحق إعادة نظر

الابه اللي حدروا من تهامه=على ظهور المسرجه ياضنا يام
ياذا البهم والله ان تباري الجهامه=الين تنزل بين صفوا والاوجام
هذا كلام اللي يبرهن كلامه=بالفعل والتاريخ يشهد والاخصام
هذا ابن هادي اللي تعلا مقامه=للجار ستر وساعة الحرب مقدام

ومحمد بن هادي ونعم ماني بمن يشهد له يشهد له فعله

أتمنى أن تعيد النظر في بقية القصيدة من حيث المعنى أخي الفاضل سعيد الحازبي لعل البعض قد يرى في ردي شيء من الخطأ لكن من يراه مخطىء أنت تنشر قصيدة في منبر إعلامي وأنا صريح معك .لاتترك مجال للقارىء بأن يفهمك خطأ


دمت بخير [/align]