82 بيت بعيد الوطن رقم 82

بمناسبة العيد الوطني رقم 82 للمملكة العربية السعودية
هذه 82 بيت اهداء للوطن واهله

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بديت بذكـر عـلام السرايـر غافـر الـزلات=قبل مابـدا بيـوت الشعـر واحبكهـا وارتبهـا
عزيز الملك سبحانـه تعالـى ساتـر العـورات=كريم الوجـه ربـي معطـي الخيـرات واهبهـا
هو اللي كل ماضاقـت علينـا يفـرج الكربـات=ونلجـاء لـه اذا الاحـداث داستنـا كوالبـهـا
وبعد ذكر الله المعبـود ا وجـه باقـي الابيـات=بذكـر القائـد اللـي وحـد الدولـه وسادإبهـا
رحمـك الله ياصقـراً بتاريخـه لنـا وقـفـات=لنا وقفـة تأمـل فـي حياتـه كيـف عاشبهـا
مشى من دولة عيال الصباح يسابـق الساعـات=ذلولـه للريـاض مروحـه تومـي جنايبـهـا
سلاحة طاعة الله ثـم سيـفً ساطـي السـلات=وبندق فـوق متنـه لارمـى يحكـم مضاربهـا
وقلبٍ صامـلٍ ساطـي وفكـراً يرسـم الغايـات=وكـفٍ مارتعـد زنـده ونفـسٍ زيـن مذهبهـا
ومعه اهل الوفاء والطيب والامجـاد والنخـوات=حلاحيـل الرجـال اللـي عريبـاتٍ مناسبـهـا
ودخل في العاصمه يوم ان كلٍ في فراشـه بـات=بليلـه مـن ليـال السعـد بـاديـةٍ كواكبـهـا
وقفز في المصمك ورتب رياجيله علـى دفعـات=تجـي دفعـه ودفعـه ثانيـة تبقـى تراقبـهـا
وبعد تكاملوا فالقصر وزعهـم علـى الثغـرات=وسل السيـف فـي يمنـاه والبنـدق مزهبهـا
ترقب لين جاء عجلان ثم وجـه لـه الطلقـات=بعـد نـاداه ثـم لاقـاه والبنـدق مصوبـهـا
وبغى ينحاش خصمة وابو تركي صامل الهـدات=قطع رجله وطاح وزوده ضربـه ومـات ابهـا
وفوق المرتفع نادى المنادي بارفـع الاصـوات=منادةً تفـرح قلـب منهـو كـان سمـع إبهـا
يقول الحكم لله ثم لبـو تـر كـي بـلا منـات=قتل خصمه بسيفه والشريعه جـاء يحكـم ابهـا
ومن وسط الرياض بكل ديـره وجـه الدعـوات=محد يرفـض مبـادي دعوتـه كـلً يجاوبهـا
بعدها في صحاري نجد قـام يواصـل الغـارات=يسالـم مـن يسالـم لـه وعدوانـه يحاربهـا
يدوس الارض طول وعرض فالروحات والجيات=وبحسامه قطـع روس الافاعـي مـع عقاربهـا
رفع له رايةً خضراء وطاحت دونهـا الرايـات=عليها كلمـة التوحيـد باوضـح خـط كاتبهـا
ولولا هيبـة القايـد ماصـار لرايتـه هيبـات=لكـن مـن هيبتـه مابـه ولا رايـه تقاربهـا
صحاري نجد قبله مابها امـن ولابهـا راحـات=مافيها الا الجهل مطبـق وخـوفً مستقرإبهـا
قبايل بينهم حقـد وتباغـض رايحيـن اشتـات=على ادنى شي بين افرادهـا تنشـب حرايبهـا
دعاهم للتعاون من جديـد وتـرك ماقـد فـات=يرغب كل قـومً بدعوتـه وان عيـت ارهبهـا
وبعد وحـد قبايـل نجـد جالـه غيرهـا نيـات=وتوجـه للحجـاز بـقـوةً مايستـهـان ابـهـا
بداها بتربه والطايـف ومكـه علـى العـادات=اذا منـه نوالـه ديـرةً بالفعـل حــل ابـهـا
ومن مكـة الـى جـدة توجـه يقـدم القـوات=ومنهـا للمدينـة والديـار اللـي تحيـط ابهـا
بعدهـا فكـر وقـرر يزيـد الحكـم تاكـيـدات=مادامـه مقتـدر والارض ماضاقـت مناكبـهـا
وقام ورسم حدوده مع الصحـراء بكـل جهـات=وثبـت للبـلاد حـدود كـلاً يستـقـر ابـهـا
على شبه الجزيرة حط دولـه مالهـا صيفـات=وجعل دستورها القـران والسنـه تسيـر ابهـا
ومـع كـل الـدول سـوا علاقـه واتفاقيـات=عـلاقـه واتفاقـيـات يتمـشـى بموجبـهـا
على ساس احترامً مشترك في كامـل الاوقـات=وكـلً دولـة الاخـر عليـه الاعتـراف ابهـا
واخد من كل دوله كل مايصلـح مـن الميـزات=لكـن الحاجـة اللـي ماتناسـب لـه يسيبهـا
وجت حجـاج بيـت الله امنـةً مـن النكبـات=تؤدي نسكهـا وتـروح مابـه شـي يغضبهـا
ومن بعده سعود الخير حصنهـا عـن الافـات=والـى العليـا بهمـه عاليـه سيـر مراكبهـا
ومن بعده حكمها الليث فيصـل عالـي الهمـات=وفيصل لـه مواقيـفً علـى غيـره مصعبهـا
سياسي من طراز اول وفارس ساعـة اللقـوات=يعشـي مـن عـداه ذيابـة الارض وثعالبهـا
لتطوير الوطن علـى مراحـل صمـم الخطـات=يحسب اشياء بعيـده كـان غيـره مايحسبهـا
ومن بعده حكم فيها البطل خالـد عظيـم الـذات=زعيـمً قبـل يعمـل حاجـةً يحسـب عواقبهـا
وسلمها فهد والفهـد راع الطيـب والفزعـات=حماهـا والعـدا مـن دونهـا حلـق شواربهـا
حما جاره بداره يوم جاله ف اصعـب الازمـات=وقـام لدولتـه وارتدهـا مـن كـف غاصبهـا
وهذا اليوم في حكم الزعيـم مهـون الصعبـات=ملكنا اللـي يمينـه لاعطـت تجـزل وهايبهـا
زعيمً هامته من هيبتـه خـرت لهـا الهامـات=يدينه فـوق هامـات العلـى تبسـط مخالبهـا
ابو متعب قوي الباس سيـفً ساعـة الشـدات=نصـادم بـه عدانـا فـي معاقلهـا ونغلبـهـا
اذا منـه تعامـل بالسياسـه حيـر الساسـات=قواميـس السياسـه صمهـا والنفـس هذبهـا
كريمً عود اليمنى اذا اعطـت تعطـي الجـزلات=وعودهـا تسـل السيـف وتحـارب محاربهـا
على شعبه مثل وبل المطـر لاهـل بالخيـرات=مخايـل جـوده الفيـاض ماتنضـب سحايبهـا
على تطوير شعب المملكة كـم سـاق مليـارات=ما يحصى عدهـا لـو كاتـب التاريـخ يكتبهـا
رجل حلم ورجل علم ورجل تطوير واصلاحـات=رجـل شخصيتـه مـا جابهـا عيبـاً يعيبـهـا
فتح بابه لشعبه واحتضنهـم واصلـح الخـلات=يوجـه فـي شبـاب المملكـة ويجـل شايبهـا
بتطويـره وتدبيـره بقينـا للبشـر ســادات=ماتخلفنـا المشاكـل كـل ماهـبـت هبايبـهـا
نعامـل ونتعامـل بالوضـوح ولابنـا هزعـات=وبالصوت الجهـوري سـادت العالـم نخاطبهـا
نقول الحق والـراي الصحيـح بكـل تاكيـدات=ماتشغلنا جميـع النـاس راضيهـا وغاضبهـا
بعهده نبني الابراج في الصحراء فخـر واثبـات=بـأن المملكـة للمجـد سايـرت(ن) مواكبهـا
وشدنا جامعات العلـم باحـدث فـن وانشـاءات=ومنهـا نستقـي خيـر العلـوم ولا نسيبـهـا
تخرج من هل العلم الحقيقي كـل عـام إميـات=شبابٍ في مجـال العلـم مـا تحصـر مواهبهـا
تعلمنـا وعلمنـا وركـب الجهـل عنـا فـات=ودولتنـا بقـت رمـز التطـور مـن يواكبهـا
وسلمان ال***** والفراسـه راعـي الشيمـات=صروح المجد والامجـاد نـال اعلـى مراتبهـا
ولي العهد ابو فهـد الاصيـل مذلـل الصعبـات=حكيم الراي لاجـاء مخطـي الاريـا وصايبهـا
وزير النخبه اللي دون دولتنـا لهـم سطـوات-حمـاة الـدار كـان المعركـة شبـت شبايبهـا
رجال الجيش درع ارض الجزيرة عن هل الزلات=تحارب من يحاربهـا وتكـرم مـن يصاحبهـا
وابو عبد العزيز النادر احمـد صافـي النيـات=وزيـر الداخليـه قـاتـل الفتـنـه وطالبـهـا
رجال الامن بامره يفرضون امن الوطن بسكـات=ويعطون الحقوق اصحابها مـن كـف سالبهـا
ولا ننسى رياجيـل الحـرس لاكبـرت القـالات=جحافلهم على المـوت الحمـر تمشـي كتايبهـا
ماتربكهم مقارعة الخطـوب ولجـة الاصـوات=يسوقـون العمـار بسوقهـا لاهـاب هايبـهـا
وحنا مواطنين ارض الجزيرة من حظر وبـدات=نجـدد عهدنـا لقـيـادةً مـرفـوع حاجبـهـا
توحدنا مـع القـاده جميـع وماتـت النعـرات=وصرنا اخوان واصحاب وقرايب مـع قرايبهـا
اذا كانت شعوب الناس تتظاهر علـى القـادات=قيادتنـا نحييـهـا ونكـمـل كــل واجبـهـا
تجمعنى على حب الوطن يوم الشعـوب افـوات=ونحمـي دولـة الاسـلام عـن شيئـاً يخلبهـا
لنا صولات بالتطويـر والعلـم ولنـا صـولات=بسـلات السيـوف اللـي جويـداتٍ مقاضبهـا
جنوب المملكة حنا علـى حـده ذراء وحمـات=ونحمـي شـام دولتنـا ومشرقهـا ومغربـهـا
مانخطي مير من يخطي علينا ماكسـب طـولات=نحـرك فوقـه الدنيـا ونرمـيـه بمصايبـهـا
ولا يثنـي عزايمناكـلام الخـبـل والشـمـات=وناسٍ في الخلا مـن همهـا ترفـع حواجبهـا
مع اهل الكذب والتظليل والتطبيل جـت زافـات=وفي بحر الخطاء مـن جهلهـا تدفـع قواربهـا
يغويهـم بليـس ويتبعـون مـدور الـغـرات=ويوعدهـم وعـوداً واقـع احوالـه يكذبـهـا
لنا قدرة تسامح في المواقيـف ولنـا قـدرات=على لطم الوجيه اللـي يقـوم بليـس يشعبهـا
واقول اهل الجزيرة حيهم والميـت اللـي مـات=هم ابطال العرب فـي حاضـر الدنيـا وغايبهـا
وفي تاريـخ يومـك ياوطنـا نحيـي الحفـلات=ونرفـع رايتـك وقيادتـك نـاقـف بجانبـهـا
وطنا فيه خيـر الخلـق جانـا بافضـل الايـات=رسـولٍ حطـم الاصنـام فـي مكـه وغيبهـا
رسـولٍ لـو تكلمنـا بحقـه تعجـز الكلـمـات=ماتوفـي حقـه الواضـح ودعوتـه ومناقبهـا
هو المعصوم عن فعل الخطا والكذب والغلطـات=حمـاه الله وبلـغ دعوتـه واخصامـه اذهبهـا
عليه افضل صـلاة نقولهـا دائـم وتسليمـات=عدد نبت الغصون اللي هـوا الغربـي يداعبهـا
رحمـك الله ياصقـراً بتاريخـك لنـا وقفـات=لنا وقفـة تأمـل فـي حياتـه كيـف عاشبهـا[/poem]

قصيدة مدونة

دونت تاريخ التوحيد

صح لسانك اخوي طامي الرياحي

ودام الله عز بلدنا وعز شعبه

طامي الرياحي انت شاعر مبدع ومتمكن

صح لسانك وبيض الله وجهك ولاهنت


تحياتي

شاعر وكأن في صدرك الآف الشعراء بعد هذا النص الوافي والثري بغرضه وتسلسل مافي بواطنه ..
صح الله لسانك وأبدعت ياطامي