سحاب الغيث

[poem=font="Arial,6,#045C13,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]



ياموطني لك خالص الحب والوفا =يمنى تمد العهد ولا هي بسارقه

عـ لعهد حنا نعلن الود والوفا = في كل صبح تطلع الشمس شارقه

من عهد جداني وأبوي وربوعنا = والعز منا رفرفت به بيارقه

حنا خلقنا نعشق الدين والوطن = ونكره عصابات عن الحق مارقه

وحنا جنود الحق لا صاح موطني =وحنا سحاب الغيث لا لاح بارقه

وحنا الوفا لا خان غادر ومعتدي =وافعالنا في وجنة الدهر فارقه

وحنا سلايل مجد واحفاد صفوةٍ =سيوفهم حمرٍ من الدم غارقه

نسلها لامن توجّب لزومها =جمره على كبد المعادين حارقه

حبك تغلغل داخل الروح واعتلى = وافعالنا من صادق الحب خارقه

وحنا فداَ لله ونفداك ياوطن =العمر يرخص لك لو الموت طارقه[/poem]

شواهق الولاء بهذا النص الجميل ياشواهق نجد وصح الله لسانك

صح الله بدنك القدير حمد الدليهي


شكرا لطيب ثنائك

صح لسانك شواهق
وتسلمين على هـ الوطنيه الشامخه
ولاعدمنا ابدااعك

ودي وتقديري,’’

شواهق نجد

والله انك تنومسين الوطن والشعر يتنومس بك

اهنيك على النص الوطني الرائع

لك جل تقديري

الغالية شاعرة نجد

شاعرة الجزالة

كم يسعدني حضورك يالوفية


الف شكر يالغالية

اخي القدير ناشر العاطفي


الله يرفع قدرك ولا يهينك

للوطن دوما قلوب تنبض بالوفاء


وتتوشح الوطنية


اشكر لك حضورك وطيب ثنائك

شواهق نجد

انتي شاعره مبدعه ومتمكنه بمعنى الكلمه

اهنيك على هذا الطرح المتميز معنناً وهدفاً


تحياتي