هذا حنا البقوم

هذه القصيدة قلتها في حفل مزاين ابل البقوم

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بديـت بذكـر مـن يعـلـم خفـانـا==كـريــمٍ للهدى بـأمــره هــدانــا

بعـدهـا مـرحـبـا مـلـيـون مـــره ==بظيـفـانـاً لـهــم قـــدرٍ وشــانــا

ظـيــوفٍ شـرفـونـا وأسـعـدونــا ==بجيـتـهـم لـنــا فـــي ملـتـقـانـا

أرحب باسم ربعي تاج راسـي ==هـل الأمجـاد مـرويـن السنـانـا


هذا حنا البقـوم أهـل الجمايـل ==رجـالٍ فـي المواقـف مـا نتـوانـا

ســهـــومٍ لـلـمـنـايـا لـقـبــونــا ==وزهينـا الاسـم يـوم انـه زهانـا

محامـيـد الـقـروم أخـــوان وازع ==هل الطالات مـن مـاض الزمانـا

تكاتـفـنـا وصـرنــا كـــف واحـــد == عسى المعبود مايشقر عصانـا

رجالاً من قبل حكم السعـودي ==بـوقـتٍ فـيــه مـعــدوم الأمـانــا

حمانـا دارنــا عــن كــل طـامـع ==وعاشـت بالسعـادة فـي ذرانـا

وجعلـنـا فــي طوارفـهـا مقـابـر ==لمن يخطي على الـدار وعلانـا

عـوايــدنــا إذا قـلــنــا فـعـلــنــا ==ولا نـخــدع ولا يـلـحـق مــدانــا

وإذامنـا علـى أنفسـنـا قطعـنـا ==عـهـد نـرعـاه والمـولـى رعـانــا

عهـدنـا لــو هلكـنـا مــا نبـوقـه == وقــاه الله مــن الـبـوق ووقـانــا

وفـا العالـم مــع العـالـم نـعـده ==جــزؤ مـأخـوذ مــن زايــد وفـانـا

طبـع فينـا الـوفـا مـنـذو خلقـنـا ==ويبـقـى حــي فيـنـا مــا بقـانـا

عزيزيـن النـفـوس بـكـل حـالـه ==لـو أن الوقـت بإجحـافـه قصـانـا

إذا العـالـم تـغـذى بالـمـعـاوش ==جعلنـا الطيـب والطـالـه غـذانـا

شربنا شرب من بحـر البطولـة ==وبــاح الـبـحـر وأحـنــا مـارتـوانـا

ونـكـرم ظيفـنـا لــو كــان حـنــا ==مـع الأيـام مــا نلـقـى عشـانـا

وإذا عطـيـنـا عطـايـانـا جـزيـلـة ==مانبـخـل يــوم ونـمــن بعـطـانـا

ونبـعـد جـارنـا عــن كـــل زلـــة == ونـعـده فالمـواقـف مــن حـدانـا

نصادق من حفظ حق الصداقـة==ونـرمـي بالعـدايـة مــن رمـانــا

مانخطي مير من يخطي علينا==فـــلا يـهـنـا ولا يـامــن خـطـانـا

نسامح لين حتـى يحسـب أنـا==تجـاهـلـنـا خـطـايــاه ونـسـانــا

لـكـنــا لا بـطـشـنـا مـانـبـالــي ==ولا نحسـب لمـن يقـف بنحـانـا

تقـادح روسنـا طيـب وشجاعـه ==ونقـدح نـارنـا فــي مــن غـزانـا

نــدوس الـقـوم لامـنـا هجمـنـا==ونـعـفــوا قــادريــن إذا عـفـانــا

اذا مــنـــا تـنـاخــانــا وقــمــنــا==على روس العـدى دارت رحانـا

لا قمـنـا نـعـتـزي بـالـجـد الاول==وسليـنـا الهـنـادي فــي يـدانـا

نهـز الأرض لـيـن الـلـي عليـهـا==يصيـح صيـاح خـوفٍ مــن لقـانـا

وإذا مـنــا تـــلا قـيـنـا بــالاعــدا==مشيـنـا قــدم مـانـرجـع ورانـــا

لا غلي البيع في سوق المنايا==تـقـدمـنــا وبـعــنــا وأشـتــرانــا

نلاقي في الخطوب اسياد قومٍ ==يضاهـي مستواهـم مستـوانـا

فــلـــولا طـيـبـهــم مـاقـابـلـونـا==ولـولا الطيـب فينـا مــا اعتـلانـا

عـلا الخـيـل الاصـايـل لا ركبـنـا==وهـيـمـنـا ولـلـحــرب ارتـكــانــا

مـن النخـوة ومـن زايـد سطرنـا==وقوتـنـا الـتــي تـرهــب عـدانــا

نشوف الأرض ملـكٍ فـي يدينـا== ونشوف ان السماء كله سمانا

لنـا نفـوس الرجـال وللحـنـادي ==جـثـث نرميبـهـا حـيـن مـعـدانـا

ملينـا الأرض رعــب ولا أرتعبـنـا==ولا نــهــزم ولا يــوطــا حـمـانــا

ولا يــــومٍ بـمـخـلـوقٍ غــدرنـــا==علـى وضـح النقـاء نبلـغ منـانـا

صعـدنـا بالفـخـر فــوق الـثـريـاء==وصـارت فـي مماشيـنـا حـذانـا

بغير الفـارس الشهـم المبجـل==فـلا تحـمـل ولا تنـجـب نسـانـا

واقـول النعـم فـي كـل القبايـل ==بـعـيـديـن الــديــر ولا قـصـرانــا

لهـم فـي القمـه العلـيـا منـابـر==مافيـهـم لا ضعـيـف ولا جـبـانـا

تـجـمـعـنـا قـبــايــل واتـحــدنــا==وصرنا اخوان فـي حكـمٍ غطانـا

عسـى ربـي يعـز إخـوان نــوره ==هـل العوجـاء رفيعـيـن المكـانـا

رجــــالاً لا دعــونــا مـانـتـضـرنـا==نسابـق صوتـهـم لامــن دعـانـا

رجـالاً يحكـمـون أرض الجـزيـرة==لهـم مـن عندنـا صــادق ولانــا

فلاحـدن غيرهـم يحكـم عليـنـا==ولا حـداً غيـرهـم مـعـه انتفـانـا

ولاحـداً غيرهـم حكمـه عـدالـه ==ولاحــداً غيـرهـم بـامـره رظـانـا

هـم املـوك البـلاد ولا سواهـم ==وحـنــا جـنـودهــم ولا ســوانــا

وختم القـول صلـى الله وسلـم ==علـى منهـوا بدعـوتـه اهتـدانـا[/poem]

صح لسانك ياطامي

كفو ومية نعم

صح لسانك ياطامي ولاهنت
كفو ونعم فيكم

تحياتي