رميت الهدف

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياهاجسي بالشعر خابرك ماانت بْخيل=سيْر مع الفكر لين يوصل نهايته
الفكر لادار ماله مع دروبه خليل=الا انت مفتاح سره وانته حكايته
اببدي اللي على صدري كلامٍ اشيل=واعلمْ اللي على بشته لبس صايته
ماكل مزنٍ نشا واركم يسيّل مسيل=ولا كل صقرٍ يبيّض وجه قنايته
ولاكل من قمت له دايم يحفظ الجميل=هذي ظروف الزمن والناس سلايته
كم موقفٍ راح ماله عن خياره بديل=لو لْتنبي علم كلٍ رفع رايته
لاجاتني من غبي فدوه لْوجه النبيل=الوقت ياكثر زلاته وخطايته
شراية التمر لو مايغرسون النخيل=تْعرف نوع التمر وتعرف جنايته
وانا بغيت اتهور وافعل المستحيل=لكن رميت الهدف قدام رمايته
لاصرت تاجر مميْز مير مالي عميل=صار يتعداني العاجز بْمشايته
سؤال خمسين سطر وله جوابٍ قليل=كتابته كثر لكن وين قرايته
حجتك ماعاد تنفع لو تجيب الدليل=همور الاسهم لعبها واخذ كفايته
عساي مااحتاج بالدنيا وُماخدم بخيل=امشي على سلم ابوي وحافظ وْصايته[/poem]

[align=center]اهلاً وسهلاً راشد البيصاني
شاعرغني عن التعريف
اسعدني تواجدك في مجموعة
النداوي الشعبي
بدايه جميله جدّاً ونطمع باالمزيد
تقبّل مروري المتواضع لك مني
اجمل تحيه وتفدير[/align]

راشد البيصاني

قصيده جزله من شاعر جزل

تحياتي

مرحباب يابومحمد وصح الله لسانك