يا معين المبتلي وأنت الولي

[align=center]بسم الله والصلاة والسلام على رسول الله


[poem=font="Simplified Arabic,4,#0015FF,bold,italic" bkcolor="" bkimage="" border="none,7,#400000" type=1 line=0 align=center use=ex num="0,#400000"]
زاد همي والعنا في الصدر جال=الله يهون عذاب المبتلي
حالتي حالة وفي أخس حال=يا معين المبتلي وأنت الولي
كيف كنت وكيف فيني الوقت قال=السنين أيامها دارت علي
ما ترك لي حظي العاثر مجال=عني حباله تهاوت بالدلي
كل ما قلت أرتكز طوّح ومال=عزتي للي أنتخى غير الشلي
تختنق بي عبرتي والدمع سال=والغبن ناره بجوفي تصتلي
لليالي حل بس إيش السؤال=جاوبيني يالليالي واسئلي
واضربي فيني لخلق الله مثال=كيف ساعاتك بهمي تمتلي
من هموم ٍ مثل حبات الرمال=تسكن بحدب الضلوع وتختلي
وكيف ثقل حمولها مثل الجبال=وتنثني وتزيد فوق وتعتلي
وكيف أنا بالصبر قاومت المحال=وكيف هداتك لعزمي تنجلي
اسئلي ثم جاوبيني ياليال=كيف أعيد أيام عمري الأولي!
يوم كنت أعيشها مرتاح بال=ويوم كنت أقول عادي وش علي
جاوبيني لأني أصبحت إحتمال=زود غدرك صابني في مقتلي[/poem]


وسلامتكم

حمد بن توزان[/align]

ما ترك لي حظي العاثر مجـال
عني حبالـه تهـاوت بالدلـي
كل ما قلت أرتكز طوّح ومـال
عزتي للي أنتخى غير الشلـي

عليه الصلاة والسلام.

صـــح لسانك اخوي حمد على هالابيات الجزله...تقبل مروري واحترامي.