راحت ثلاث أيام والحزن ما راح

؛



السلام عليكم ورحمة الله وبركاته .،

أحسن الله عزاكم والله يعوضه في حياته الجنة


[poem=font="Simplified Arabic,6,#6F4007,bold,italic" bkcolor="undefined" bkimage="" border="none,4,undefined" type=2 line=1 align=center use=ex num="0,#400000"]
والله حيٍ على الارض مرتاح=وكلٍ يقول ان الزمن ما صفى له
لا قلت زال من الحشا هم وانزاح=جدّد علي الحزن همٍ بداله
بحر الحياه معاندٍ كل ملاح=ماكل نفسٍ تشتهي ما تناله
تلاطمت الامواج في وجه الالواح=يا ضيعة الربّان يا عزتاله
سبتٍ ضحاه أغبر وهدّام الافراح=جانا خبر نايف وش الي جرى له
قالوا توفى واصفق الراح بالراح=وادعي عسى الرحمن يحسن مآله
يا رب ضيفٍ جاك يسعى للارباح=وأنت الكريم الحق جلَّ جلاله
راحت ثلاث ايام والحزن ما راح=عيّا يروح الله يقطع وصاله
الضيم كايد لكن الصبر مفتاح=نصبر لها وانزيد عزم وصماله
قل للعدا لا تحسب ان الملك طاح=مغير ميّل للحمل وارتكاله
يبشر بنا في لازم البيعه سلاح=حنّا لبو متعب وحنا عياله
وان كان نايف مات والفقد ذبّاح=ما مات من ورّث وخلّف سلاله[/poem]



.