حزني . وولفي .

السلام عليكم ورحمة الله وبركاته


أعتذر عن انقطاعي لظروفي

عسى اللي بطرحه يشفع لغيابي

ارتجاليه جديده

[poem=font="Simplified Arabic,5,#000000,bold,normal" bkcolor="" bkimage="" border="ridge,4,#400000" type=2 line=1 align=center use=sp num="0,#400000"]
يزورني حزني مع الليل بالذات=ياللي تقولون الستر في الليالي
الى ذكرت اللي مضالي ومافات=أصفق على رآحت يميني شمالي
الهم أبودمعه وضيق وتنهات=عساه من صدري يشد الرحالي
خاشر وليفي في الحروف الجزيلات=ومخاشره حتى بيوت أرتجالي!
من عقب ماغنيت مضنوني ابيات=اللي . سمعتوها من أول وتالي
أول يناشدني. صدوق العبارات=وأكتب على بيض الورق كيف حالي
غالي وله في داخل القلب وقفات=مضنون قلب ودآخل الروح غالي
اللي عشقته عشق مافيه ميلات=هو حبي الاول . وهو راس مالي
لاضاق اضيق ولاتضآيقت مابات=أنا حلاله . وأعتبرته حلالي
لايحسبني مبعد(ن)عنه بسكات=( الهم ) موجعني مهوب أنشغالي
الهم عايش والفرح داخلي مات؟=أغتال ضحكي مابقى الا أغتيالي
آحآول أكتم ونّت(ن)بين ونآت=لآونّهآ كسّرت حيد الجبالي.
الله وأكبر قاهرتني معانات=واللي قهرني حالي اللي جرالي
( أن كان ذآ الدنياء على الكيف ماجات )=( ياسهوم موووتي طآلبينك تعالي )[/poem]

ياسلام عليك من طوّل الغيبات جاب الغنايم


صح السانك ولاهنت


تحياتي لك