ماخدش وجه الحيا

[align=center]مع التحيه والتقدير لكل العابرين


ما على الدنيا مقيم ولا على الدنيا ثبات
**والبني ادم عليها ما ينوش المستحيل


رحلت الانسان با الدنيا تعب ومغامرات
**تقبل الوزن الخفيف وتقبل الوزن الثقيل


زرعها المزروع ما يقبل خطا ومجاملات
**كل واحد له سجلاّته ومقدار الحصيل


والوكاد ان الزمن يطوي على كل الجهات
**والرحا تطحن وتنثر با الكثير وبا القليل


السعيد اللي كسب كل العلوم الوافيات
**وكل ما جاله مجال يحصل الشكر الجزيل


والشقي اللي خسر جزل المعاني والصفات
**لاعرض في روس الالسن قالو الشخص الرزيل


السعيد اللي وقف واوفى جميع الواجبات
**كل ما مالت غصون الجود هو معها يميل


والشقي اللي طلب طلع الغصون اليابسات
**مثل من يطلب عطايا الجود من كف البخيل


السعيد اللي لسانه ماقذف با المحصنات
***ولا يبدّل غير قول الحق بلسانه بديل


الشقي اللي يعرض والدينه للشتات
**ولا يعلعل والدينه غير ابو قلبِ عليل


السعيد اللي بعيدِ عن دهاليز الشمات
**ولا يولّعها شماتة نار في روس الفتيل


الشقي اللي على دنياه يسهر ما يبات
**من هموم الوقت يسهر لامبيت ولا مقيل


السعيد اللي حفظ دينه بدون مخالفات
**ما خدش وجه الحيا حافظ على الوجه الجميل


اول الدنيا الحياة وتالي الدنيا الممات
**ولا يحد النازلين الاّ الموادع والرحيل


مع تحياتي مرزوق محمد الرمالي[/align]