... الــوعــد ...

السلام عليكم ورحمة الله وبركاته ..

هذه القصيدة ارسلتها للشاعر المعروف :

مبارك بن مناحي العمور

[poem=font="Times New Roman,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بحر تصافق ركونه ويل من طبه =وردت جاله وابي نادر صعيباته
اروي ضمى هاجس يارد على الصعبه=ويروض الحرف لين تجاوب اهاته
اليا سمعها عليل ما لقى طبه =يقول هات الجزل يا محزمي هاته
ثم أقبلت مثل سيل لا حدر صبه =من ( شعب تمرة ) وعدى في طويلاته
شوفه هوى خافق من داخله حبه=لا قابله جر مسحوبه ووناته
مع نشاما تعسف الصعب وتجبه=الحمل ما يثقل وهم خلف جراته
كبش معلق والاخر ماسك دربه=والبن الاشقر يسوقونه بحزاته
وسوالف ما أخلفت لمحمد وربه=ولا تقصوا ورى الصاحب وزلاته
هذي طراة العمر وخلافها كبه =الا المراجل وذكر الله وطاعاته
يا ابو مناحي سنين العمر تلعبه =وانا اتحرى الوعد واعد لحظاته
تدور الايام لا تنبي ولا تنبه =عام ورى عام يبلغنا تحياته
ما نفقد الا الشلي والي نفاخربه =ولا الردي يستوي بعده وجياته
بروق الحيا هيضت قلب له منبه =يجاوب رعودها ويمد مداته[/poem]

[align=center]وسلامتكم ..[/align]

[align=center]محمد بن الشرع


صح لسانك وعلا شانك


وردت جال البحر واخرجت لنا منه هذي الدرر الثمينه


اشكرك على هذا الحضور وفي انتظار الجديد

تحياتي[/align]

[align=center]وهذا رد الشاعر : ابو مناحي طلب مني انزاله لظروف سفره

.. الوفاء .. [/align]


[poem=font="Simplified Arabic,5,#000000,bold,normal" bkcolor="undefined" bkimage="" border="none,4,#400000" type=0 line=1 align=center use=ex num="0,#400000"]
يامقند الهيل فنجال الوفا صبه =وفا وحنا الوعد نوفي بهقواته
أفرح واقدم قصيدي وتنومس به = للشاعر اللي يجيب الجزل فأبياته
مثلك وشرواك يامحمد نرحبه = اللي على المرجلة والطيب راياته
هجوس قلبي تزور العد وتنبه = وتاخذ من أعذب حروف الشعر ميزاته
تقطف من زهور قاف الورد وتصبه = على سحاب ٍ يجي من صوب موجاته
الشوق يشمل بتفكيري و يجنبه = وعلي ديار الجماعة يسوق نياته
أخوك يامحمد بن الشرع تلعبه = هموم وقت ٍ تخالف عكس غاياته
من ذيك الاوقات وظروفه تضاربه = وعيا الزمن والظروف تزين حزاته
والحين باول طلوع سهيل لي نبه = لشعيب تمرة ووديانه وساحاته[/poem]

صح اللسانك يامحمد وصح اللسان ابومناحي