استجـــداء الغــــــرام

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ماني كريم في الهوى لو تكلفت=ومن فضل رب الكون ماني بحاجه
والحب ماهو بذل كانك تسلفت=وأنا عطاء الحب وأيضاً علاجه
لا تتهمني بالبخل وأنت ما شفت=عندي مفاتيحه وأنا أملك خراجه
الخوف من نفسك إذا ما تصرفت=تشقى بها في ميلته وإعوجاجه
تستجدي إحساني كرم لو تشرفت=تطلب من المعطي العطاء بلجاجه
كثر الطلب بعد العطا لأجلها عفت=مطالبك بإلحاح يا هي سماجه
أنا ترى دنيا الهوى كلها طفت=شربت من صافي الغرام وهماجه
يمكن أنا في الحب الأول وشرفت=عاليه قبل اللي من الناس داجه
ويمكن أنا اللي به شقيت وتلهفت=وآخر من أبحر به وصارع أمواجه
يا ما ترى ضحيت لأجله ولا خفت=ومن ضيقته عانيت صعب إنفراجه
ويا ما ترى صديت عنه وتوقفت=وقفة حذر وآصد وأخشى المواجه
ويا ما قدمت وللوراء ما تلفت=مدري سطارة راس وألا صناجه
ولا ندمت بيوم وألا تحسفت=قلب العنا حزنه يساوي ابتهاجه
ما أقدر أعطيك الغلا لو تلطفت=عمر الذهب ما زايدوا في حراجه[/poem]

اخي الرائع حمد

صح الله لسانك وبيض الله وجهك

نص فاخر من شاعر متمكن


رائع وحضور جميل بكل التفاصيل

شرفني المرور الاولي


تقبل تحياتي

اخوك

ابونايف

اخي الرائع حمد

صح الله لسانك وبيض الله وجهك

نص فاخر من شاعر متمكن


رائع وحضور جميل بكل التفاصيل

شرفني المرور الاولي


تقبل تحياتي

اخوك

ابونايف

صح بدنك ووجهك ما يلام يبو نايف

شهادة من شاعر مثلك داعم كبير لكل شاعر للمشاركة باالجديد

أسعدني مرورك وتعليقك لاهنت
تقبل تحياتي وتقديري

أخوك/ حمد بن توزان