المجنونة

[poem=font="Simplified Arabic,5,#BF2706,bold,normal" bkcolor="0" bkimage="images/toolbox/backgrounds/27.gif" border="inset,4,#FFFFFF" type=2 line=0 align=center use=sp num="0,0"]
كل الهواجيس ابجمعها وابحطبهـا=وابشعـل النـار بولهـا وتاليـهـا
ابوقد النـار ليـن ادفـى واقلبهـا=ثم ادعس الجمر باقدامي واطفيهـا
وابعصر افكار شيطانـي واقربهـا=وابني على رسمها وامشي بما فيها
وابلَ الأشعار في فنجـال واشربهـا=واروي ضما روح عطشانه مضاميها
وابعكس الشمس تشرق عند مغربها=ما عاد لليل داعـي يـوم يخفيهـا
وابرسم البَر فوق البحـر واقلبهـا=خل البواخر تصافق فـي موانيهـا
واصفق ليال الشقى في وسط غاربها=مليت سود الليالي مـن مساريهـا
والله لحطِم قيود الفكـر واخربهـا=ولا عاد اخفي علومٍ كنـت اخفيٍهـا
ان قلت الأيام جت تصفى مشاربهـا=يغدر بي الحظ لين يحوس صافيهـا
الله يـا ضحكـة الأيٍـام مكذبـهـا=ما قرت الا لـرب الخلـق واليهـا
تضحك علينا ولا احدٍ صار معجبهـا=متغطرسه تايهـه والكبـر معميهـا
كم من شوارب تثنت عند شاربهـا=كم من نشاما سقتهم مـن بلاويهـا
وما دام هذي حياتي وابتلشت بهـا=ابشعـل النـار بولهـا وتاليـهـا[/poem]

ابو محمد


صح الله لسانك وبيض الله وجهك

نص فاخر من شاعر متمكن


رائع وحضور جميل بكل التفاصيل

شرفني المرور


تقبل تحياتي

اخوك

ابونايف