ابيات متواضعة اتمنى ان تسكن قلوبكم .. و ترضيكم ..
[poem=font="Simplified Arabic,5,#032044,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لو الكلام فزحمة افكاري طلـع عـن شـوري=بطوّع حروفي (شعر) واطلـق سبيـل عنانـي
تعبت اسلّـم نفسـي ال اوراقـي ولسطـوري=عيّا الحزن يرحل .. وعيّا الضيـق لا ينسانـي
النفس مجروحه ( غلا ) والجـرح دكتاتـوري=خلاني اقبل سلطته.. واخفـض لهـا جنحانـي
ما عاد يشعرني حضور صويحبـي بحضـوري=ولا عاد ياخذنـي وجـوده نحـو عالـم ثانـي
صبري بحر هادي.. واذا غره هدوء بحـوري ,=باكر يهيج البحر .. يصرخ : لا متى تجفانـي ؟
باكرْ ادوّر عذر واهي لجـل اخـون شعـوري=لو صـارت دروب الفـراغ العاطفـي عنوانـي
واشتت اوجاعي .. وارتـب حالتـي وامـوري=وانسى هوى ياما علـى درب الهـوى مشّانـي
واسقطْه من ذاكْرة عمـري وانتقـم لغـروري=واقطع لساني لو ( حبيبـي ) عالقـه بلسانـي
واسكّر افواه الحنين اللي صْرخَت بي : ( ثوري )=واموّت الوجـد الكبيـر اللـي سكـن وجدانـي
واغمّض عيون الظنون اللي تشـوف كسـوري=و تحدّ قلبي يحتمل من بـاب ( علـى شانـي )
واقلّـط الضحكـه عنـاد فهمّـي الاسطـوري=واشـوف دبـره للجـروح الساكنـه باحزانـي
واطيّـب الخاطـر واكفكـف دمعـي البلـوري=وافلّ من عقـب الظـروف القاسيـه حجّانـي
[/poem]
تعليق