تكرم يديّ ولحيتي

السلام عليكم ورحمة الله وبركاته

اداره واعضاء النداوي

يشرفني الانظمام لهذه الكوكبه الرائعه وتقبلوا مصافحتي لقلوبكم

[poem=font="simplified arabic,6,blue,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]

صريح واحب الصراحه وعشق الشي الجميل=واخاطب العالم بقدر افعالها وعقولها



هادي اذا كان البحر هادي ولا به مستحيل=واثور لا قامت هل العوجى تدق طبولها



راع الوفاء اقدره وقول له شكرا جزيل=وراع الخطا ادرسه وافهمــــه اصــولــهــا



بما قسم ربي رضيت ولا رجيت من البخيل=تكرم يدّي ولحيتي لو كان يعطي لولها



تشوم نفسي عن مواطي الذل ومخاوا الذليل=لو كان مالقا زاد ولا شرب غصب اعولها



والى بلاني الله بعاقه من مصربة الصميل=انصحه وان ما سمعني خليتله محصولها

اخاف من قولة علي يمشي مع هذا الهبيل=الناس صح اتقولها ولا خطا بتقولها



ماني بمتكبر ولا مغرور وادل الدليل=والسالفه تقصيرها افضل من تزايد طولها

[/poem]

الله الله



صح لسانك


نص في غاية الأبداع



تقبل أحترامي وتقديري

اخي علي الزهيري


صح لسانك وبيض الله وجهك

نص جميل من شاعر متمكن

بيض الله وجهك والثقة في النفس هي اساس النجاح

تقبل تحياتي

اخوك

ابونايف

الله الله يا علي

صح الله السانك مليار

لا هنت على الجزلة