ابشر بالسعد

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
مدا الشوف يابعد الهقاوي ياقرب الليل=وانا بين حد الياس والشك والريبه
اسامر قمر خمسة عشر والجدي وسهيل=والاحي عواء سرحان ياعلا مراقيبه
ركاب الفكر تعبت وانا ادور التأويل=ولا به رفيق جرح الايام يدري به
ياهل فزعة ابشر بالسعد متعبين الخيل=متى يعرف الشيهان قيمة مخاليبه
ولا تبخصون الوزن وتنقصون الكيل=مصيبه يضيع الحق وتمجّد الغيبه
ولا تسمعون اهل النميمه وقال وقيل=احب الوفاء والصدق والكذب ماليبه
واحب التواضع والتسامح يعدل الميل=وحب احترام الذات والعز له هيبه
واحب الشهامه والشيم لهلها تفضيل=ولا يذكر الرجال ياغير من طيبه
ولا احب تلفيق السوالف بلا تعليل=وهرج القفا ما يربح الي يهذريبه
ولا احب تجريح المشاعر ولا التمثيل=ولا قفوة الغايب وشذبت عراقيبه
وكبر النفوس يذلها والردا تظليل= وخذ حكمة العاقل وميز تجاريبه
وانا في حرا شمس الضحى ياظلام الليل=مابين الرجا والياس والشك والريبه[/poem]

احــب الشهـامـه والشـيـم لهـلـهـا تفـضـيـل**ولا يــذكــر الــرجــال يـاغــيــر مـــــن طـيــبــه
يامرحبا ياسعيد ولاهنت على تواصلك بنزفك الشعري المستمر ..

نص عميق ورفيق ايضاً ومن شاعر له تجارب
تقديري لك