ذا مكانه

[poem=font="Simplified Arabic,4,#FF1700,normal,normal" bkcolor="" bkimage="" border="none,4,#400000" type=0 line=1 align=center use=ex num="0,#400000"]
من لقلبٍ ليا مرّ المنازل يضيق = وا يتذكّر وليفٍ قد تركها وراه
شدّ عنها مع امّه هو واخوه الشقيق = صوب خاله بعد ما جات ابوه الوفاه
خالٍ اقشر على الاثنين ماهو شفيق = لا اسلمو من لسانه ما اسلمو من عصاه
حمس كبدي على اللي شاف مالا يطيق = من مشاهد رسومٍ ذكرتني نباه
ذا مكانه وهو يلعب بوسط الفريق = قبل يجمع شعر راسه ويلبس غطاه
وذا سبيله وهو يجعل لنفسه طريق = يجتنب به دروب الناس لحدٍ يراه
وذاك بابٍٍه وكم وافيت فيه العشيق= من وراه آتذكّر حكيه اللي حكاه
قال عطني عهود وهاك عهدٍ وثيق = ما نفارق بعضنا لو تطول الحياه
احفظ السرّ في بيرٍ مداها عميق = واحذف الدلو قاع البير واقطع رشاه
غير ما قدّر الله فوق سلكٍ دقيق = اخلف اللي هقيته و اخلف اللي هقاه
افترقنا وكن القلب خلفه نتيق = ودّه يفارق ضلوعي و يتبع خطاه
يالله ياللي بلطفه ينفرج كلّ ضيق = افرج لمن يحبّه و إيتمنّا لقاه
لين يلتمّ جرحٍ في ضميري فتيق = من فراقه عناه وفي وصاله دواه[/poem]

ذاك مكانه
وذا مكان الشعر اللي يفتح النفس ويقطع الظما
لله درك ياخوي المطاليق
نص فاخر بجميع المقاييس
لاعجمت

الله يصح لسانك يـ الشاعر
ولاهنت على هـ الفااخرهـ والابدااع

تقديري,’’

يبقى للشعر مبدعين وانت احدهم


صح الله لسانك وبيض الله وجهك


نص جميل من شاعر متمكن


تقبل تحياتي

اخوك

ابونايف

ارحب يابو عبدالله

حي ذا الحين من شوفتك

لا تبطئ علينا بالتواصل والجزاله

دمت بخير

صح الله لسانك ياخوي المطاليق

والله يعطيك العافيه

مـــــــن لــقــلـــبٍ لــــيــــا مــــــــرّ الــمـــنـــازل يــضـــيـــق**وا يــــتـــــذكّـــــر ولـــــــيـــــــفٍ قـــــــــــــــد تـــــركـــــهـــــا وراه

مرحبا يابوعبدالله وصح لسانك ومثلما قال ابو ثامر لاتبطي

الله الله كلام يحس به كل ذو احساس صادق


صح اللسانك ايوالله

[align=center]خوي المطاليق

صح لسانك وبيض الله وجهك ولاهنت

على الإبداع تحياتي لك [/align]

صح لسانك وبيض الله وجهك ولاهنت