الصاحب الساحب

[poem=font="traditional arabic,6,#006699,bold,italic" bkcolor="#ffffff" bkimage="images/toolbox/backgrounds/8.gif" border="double,6,#33ccff" type=1 line=0 align=center use=ex num="0,#400000"]
يا الصاحب اللي على الدنيا مصاحبني=الله ولا مصاحبة بعض الاصاحيبي
يا صاحبي لا توهقني وتنشبني=أنا لو أنشب من يخلـّـص مناشيبي
الصحبة اللي كذا ما هيب تعجبني=لو كان تعجبك ما فيها تعاجيبي
ما تستوي دام أحد يهدم وأحد يبني=أبني بك أما أنت تهدم بي ما تبني بي
صدقني أني حزامك لا تكذبني=ما يبور وقت اللزوم الآ المكاذيبي
أما كسبتك على الدنيا وتكسبني=والأ خسرنا وضيعنا المكاسيبي
وش عندك أطالبك والا تطالبني=لا لي مطاليب (ن ) ولا لك مطاليبي
وأن كان قصدك عن العالم تغيبني=ما تعلم الغيب وأنا معلم الغيبي
خل البساط احمدي وأجلس وجاوبني=وين أنت بتروح بي وياك وتجيبي
لو طعتك وقلت ما به من يحاسبني=قامت حواسيبك تبرمج حواسيبي
تبغيني أمشي على دربك وتسحبني=وش عذري الصبح لا بانت مساحيبي
أقوم أعذربك والعالم تعذربني=وتكثر عذاريبك وتكثر عذاريبي
واللي من الشك والريبة يقربني=يضرني ما نفعني منه تقريبي
أحسن لي اليوم أجنبك تجنبني=وتعوض في بعض الأصحاب الأجانيبي
خلاص لا تتعب أفكارك وتتعبني=حنا جمعنا طريق صعب واتعيبي
على طريق الخطأ لا عاد ترقبني=اللي ما يطلع بنا روس المراقيبي
والله لا أترك وعيونك تراقبني=واحسب علي العتب وأشذب عراقيبي[/poem]
[align=center]عبدالله المشعلي[/align]

عبدالله المشعلي

كلمات هادفه وشاعر صاغ فأبدع

حين لامس الواقع بصدق المشاعر

صح الله لسانك 0 تقديري لك