برودكاست !! BROADCAST

انقطاع طويل عن الشعر لظروف مرت ولله الحمد

لكم اشتياق يخصكم ولا يخص سواكم يالنداوية

خلال الانقطاع, لم أجد مساحة للتعبير سوى تقنية (البلاك بيري) أرسل فيها العديد من الأبيات ولا أحفظها

هذه مقتطفات ممن جمعها لي بعض الأخوة جزاهم الله خير وأحببت أن أشارككم بها

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
من عز نومي عليك الحلم عشمني=وفزيت خايف من الواقع يبعثرها
بالله عود على فراشي ونومني=فدوتك دمعة عن عيوني توخرها
وان جيت حلمي فديتك لا تقومني=خلك منام العيون ولا تشاورها
وش فايدة واقع اللي عاش متمني=لا عيون تلمحك ولا طيوفك تصبرها [/poem]

. ******* .

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
يا انتظاري والامل كله طريق=باح صبري والامل مابه امل
الجمل لو وده يطاول طويق=ما تحرك والجمل يبقى جمل
خف حملك مالك بصدري رفيق=يشفع لثقلك على ضلعن همل
الشعور يموت والخافق رقيق=والخيال ان طال عمره ما اكتمل
وانت نارك صارت بقلبي حريق=في هشيم الصبر والمحجر ثمل
لين مات الخد في بحره غريق=وانت صامل لا تكل ولا تمل
ما بقى في مجملي شيً يطيق=والجزا ماهوب من جنس العمل [/poem]

. ******* .

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يا محرك اشواقي على نار فرقاك=موتّ قلبي فيك والنار حية
في حاضرن يشهد على مر ذكراك=بيت وطريق وريحة الشاذلية
منك الجلد يرضخ لطلة محياك=تقبل وافز لجيتك مقدرية
ومنك الدمع يطغى على فرح لاماك=يقاسم شفاهي شفاهن ندية
لا تصبر آمالي بطيفك وطرياك=ابغاك واقع حب .. م ابغاك زيه [/poem]


********


[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
يخوك هذا الوقت له حكم وظروف=ولا من ضمنا حاجتن ما ضمنها
واللي ننومها على حضن وكفوف=البارح امست بس محدن حضنها
غير التراب وجيرة الليل والخوف=بين القبور اللي نصبها دفنها
ومن عقب غالي اللبس والكوت والصوف=اليوم دفتها بياضت كفنها
ماتت ولاف القلب من موتها لوف=واتلى فرح عمري دفنها حفنها
كف النحيب ووقف الدمع والتشوف=اني كسير القلب منك ومنها
علي من دمعك ومن دمعي حفوف=وعلي من حكم السنين وسننها
همن يحوف بعيني شوي ويروف=وهمن يقول اليوم: ما عنك وعنها[/poem]



********


[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
قل للطيور اللي تغني على الدوح=عينتوا طوير الحشا من فقدها
قالوا بكيت وقلت ودموعي تفوح=الدم لعيون المدامع سندها
قالوا دفنته قلت ما عاد به روح=ناخت ركايبها وحطت وهدها
قالوا توجد قلت وعيوني تنوح=وجدي عليها وجد الارض لرغدها
مكتوب اشوفه سبعة شهور ويروح=هذا مدى عمره وهذا وعدها[/poem]


*******


[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
غناك هب النسيم اعصير للطرقي=اللي امتطا لك مجيك له وجياته
وادناك من شوف عيني لايح البرقي=وادنيت دمعن لشافك ذاق مشهاته
ثم هبت الريح يم الساحل الشرقي=معها نديم المحاجر فرق شتاته
واطلقت حبر الشعر مع جاذب الورقي=وارسلك وجدن رثى داعيه مدعاته
وناديت يا اوراق شعري شبي واحترقي=وكبي رمادي على كتابك وصفحاته
مادام طرق الهوى ما هو على طرقي=وش لي على جرة مغنيه وسكاته
والا انت ياللي تشوف الفرق في فرقي=وداك صدري ولا جابك تنهاته
ما غير اشوفك على شوفي وانا طرقي=واتبع وانا خابر ان الحظ قد فاته[/poem]


واسمحوا لنا ع القصور يالربع

ناصر


صح الله لسانك


وها المقتطفات تشفع لك يابو مناحي



تحياتي

ناصر


صح الله لسانك

حروف من ذهب

عودا حميدا ابا مناحي كان الاجدر ان توضع كل واحدة في صفحه للاستفادة والتمعن اكثر عموما لافض فوك دمت بود اخي

ناصر


صح الله لسانك


وها المقتطفات تشفع لك يابو مناحي



تحياتي

صح بدنك

يا جعلك تحيا يبن عرنان اهم شي انهن يسترن عيب انقطاعي عنكم

ناصر


صح الله لسانك

حروف من ذهب

صح بدنك يا ناشر

حضورك لا يقدر بثمن

عودا حميدا ابا مناحي كان الاجدر ان توضع كل واحدة في صفحه للاستفادة والتمعن اكثر عموما لافض فوك دمت بود اخي

والله يبو شافي كل وحده منهن مهيب قصيده ومقامكم بالطوال الجزال فحبيت اجتهد بجمعهن في موضوع واحد

لا خلا ولا عدم يبو شافي