الرجم

السلام عليكم ورحمة الله

مع التحية للشاعر حسن الوطري وصوت السهارى
ولكم انتم

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يارجم هل كنت رادار امةٍ راحله=ياللي على قمة الضلعان يركز حصاك
من يرقبك واكتشف بعض الخفا لاح له=ماشك في غاية البناي لما بناك
يبيك تقصر مشاويره وينباح له=دوٍ ليامده الرجلي مايمسي حراك
يوم انت همزة وصل صحراهم القاحله=ماكنك الا لواكس العصر بالعصر ذاك
ايام كان الجمل هو سيد الراحله= ماْطيبك لاللي يبي مظهورهم لارقاك
كنت اجمل اللي عن الضيقات ينراحله=من واق بك طيح همومه على معتلاك
تقل اتخيل هذاك الوقت وانداح له=واعيش عيشة زمنهم حين عيني تراك
يامرقب الغانمين اللي ماني باحله=الله على فراق هاك القوم يجبر عزاك
ياشامخأ خافق الجنحان كم طاح له=مأطيحتك السنين ولاتغير حلاك
خلك كذا للعلو مادمت ترتاحله=مايستوي لإسفل التلعة معللي حصاك[/poem]

حي ذا الطاري من الرجم وقصائد الرجم و الشعر الاصيل صح لسانك على القصيده الجزله

عبيد الداموك .. مرحبابك ومادامت الدنيا لعامر وابوزيد ومايبقى شي ٍ على حاله ..
استطعت توظيف المعنى بتخفي وبمهاره تمكنك الشعري
صح الله لسانك
تقديري

صح لسانك


نص جميل من شاعر متمكن


تقبل مروري وتقديري

اخوك

ابونايف