!! .. خطة المفارق .. !!

للتواصل


.


[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=1 line=1 align=center use=sp num="0,#400000"]

ماني مطمّنها ولي قدر ومقام=وماذلّها وأنا من العز ارتويت
نفسي معوّدها على راس السنام=وكرامتي مايوم بعت بْها وشريت
ياللي رفضت نعيشها برد وسلام=بين الفرح والحزن ولدت وربيت
هنا جروجك كانت بصدري تنام=هنا نثرت إلْك القصايد بيت بيت
هنا تطير مْن الغلا اسراب الحمام=هنا معك بالذات خذيت وعطيت
عطيتك الود وعطيتك الإحترام=وعلى طريق مواصلك متّ وحييت
حطيتك بعيني عن عيون الأنام=وبنيت لك بين الضلوع العوج بيت
مابي العواذل يكسرونك بالملام=ولا يشوّه لك أحد إسم وصيت
أنت الحياه اللي يعمّرها الغرام=ماحس فيها براحتي لوما شقيت
بوش المشاعر لو حصل فيه انقسام=تردّه خيول المعزّه لا يهيت
عشنا نميّز ف الحلال وف الحرام=وأخلاقنا على الطهاره تستميت
حتى خذينا في المحبه – حول عام=سرحت شاريها – وبايعها ضويت
ماعاد لي عندك قدر ولا اهتمام=ولا يهمّك لو زعلت ولو رضيت
ساكت وفي صدرك كثير مْن الكلام=من اتصالك ليلة البارح دريت
ماجيتني يدفعك شوقك للسلام=رسمت ( خطة ) كيف ( نتفارق ) وجيت ![/poem]

فهد بن عبدان والابداع المتجدد

مرحبا بالشعر وراعيه


رائع كما عهدتك تقبل ودي وتقديري

فهد ابدعت وصح لسانك مليار ولايكفي

ساكت وفي صدرك كثير مْن الكلام
من اتصالك ليلة البارح دريت
ماجيتني يدفعك شوقك للسلام
رسمت ( خطة ) كيف ( نتفارق ) وجيت !
رآآئعه كشاعرها ..

مبدع كالعاده يا فهد ..

وصح لســانك ..

ماني مطمّنها ولي قدر ومقام
وماذلّها وأنا من العز ارتويت


نفسي معوّدها على راس السنام
وكرامتي مايوم بعت بْها وشريت



بيض الله وجهك .. يافهد ..مافيك حيله .

الاستاذ
عبيد الداموك


شرفتني بزيارتك