أسبـاب القطيعة

[poem=font="Simplified Arabic,6,#A12503,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
انا عايشٍ في عالمٍ مايشيل إثنين=ياخبل الحسود اللي على ماش يحسدني
امد الوفا والقرب والقا الجفا والبين=ودنياي عن مايسعد القلب تبعدني
وعلى قد ماني خايف افقد من الغالين=ولافيه احد يهتم لو كان يفقدني
وانا لوبقول إن البشر كلهم غادين=فلاشك مخطي واكثر الناس ينقدني
ولكن حظي جابني في المكان الشين=ويمكن خطاي إني معي قلب قيدني
جبرني وقمت اشتاق وانشد عن المقفين=ولا شفت احد منهم عن الحال ينشدني
وانا خابرٍ تبع المقفين ماهو زين=ولكن قلبي للجفا مايساعدني
ليا جيت اسوي مثلهم قال رايح وين=وحذرني اسباب القطيعه وهددني
وانا علتي من قلبي الطيب المسكين=يمد الوفا للناس لو كان تجحدني
ولالي رجا في الناس من بعد صبر سنين=عسى الله على صبري بالإحسان موعدني[/poem]

عبدالله صح الله لسانك مليار ولايكفي

قصيدٍ هايل ومبدا رجال
الله يمتعك بالصحه ولايهينك ياعبدالله على هذا النص الجزل جدا

ياسلام ياسلام

صح لسانك ياعبدالله مدد بل عدد

انعشتنا ونظفت مسامعنا بعد ماضاقت بعبث المستشعرين

مزيد من العطاء وتقبل ود بحر

عبدالله صح الله لسانك مليار ولايكفي

صح بدنك وطاب فالك
شكراً لحضورك الجميل

وانـــا عـلـتـي مــــن قـلـبــي الـطـيــب المـسـكـيـن
يــمـــد الــوفـــا لــلــنــاس لــــــو كــــــان تـجـحــدنــي
ولالي رجا في الناس من بعد صبـر سنيـن
عسى الله على صبري بالإحسان موعدني


وختامها مسك

صح الله لسانك استاذ عبدالله

منك نتعلم وهنا يوجد درس على الصبر والاحسان لمن اساء

للشعر غاية اذا تحققت وجب حفظه

نص راقي من شاعر علم

صح الله لسانك وبيض الله وجهك

تقبل تحياتي

اخوك

ابونايف

وانا لوبقـول إن البشـر كلهـم غاديـن
فلاشك مخطي واكثـر النـاس ينقدنـي

صح لسانك شاعرنا
ولاهنت على هـ النص الواافي

تقديري,’’

قصيدٍ هايل ومبدا رجال
الله يمتعك بالصحه ولايهينك ياعبدالله على هذا النص الجزل جدا

هلا وغلا بالزميل والأخ الغالي
شكراً لحضورك الجميل يا سعيد

لاهنت