ابرك الساعات ساعات اللقى ×× وامحق الساعات ساعات الودآع

متـوآضعـه ..
.. اتمنـى آن ترتقـي لذآئِقتـكــم ,,





ابـرك السـاعـات .. سـاعـات اللقــى
وامحق الساعات .. ساعـات الودآع

خطّــر العشـآق فـي الھجـر امحقـى
مـا درت بـه مـن خواطـرهـا وسـآع

يا شبيـه الريـم .. قـل لي وش بقـى؟
العشـم فـي آخــر آمالـي .. و ضـآع

دامنـا نمـشــي علـى وَضــح النـقـى
مـا لـقـطـعـــك للـوصــــل ايّـات دآع

قــدرك اللـي بـين الاضـــلاع اتـقــى
عن عيـون الناس .. قصـه ما تشآع

والعــذول اللي يفــرّق .. وش لقـى؟
بـين ودّ اثنــين .. يسـعــى للـــنـزآع

لا تخــيّب هـقـــوت اللـي بـك هـقــى
بيـنـنـا هـــرج الـعـــوآذل مـا يطــآع

لوعــة الفــرقـى علـى المبلـي شقـى
إقتـرب لي شـبر .. واقرب لك ذرآع

أَبتسـم .. والحـزن في صـدري وقـى
الهـزيمـه عـيب فـي سلم الشجـآع !!

ومـا حـدى الملتــآع للرجـم و رقـى
كون جـرّ الصـوت في عـآل الرفـآع

لا طــرى لي ما مضــى جعلـه سقـى
امطـرت ذكـرآآه .. و ازهـر كل قـآع



وسـلآمتكـم ..

اكيد انه ستزهر وانت مبدعها وزارعها

صح الله لسانك اخوي عبدالهادي

نص فاخر من شاعر متمكن

تقبل تحياتي

اخوك

ابونايف

معيض الوادعي

صح بدنك ..

اشادتك وسام على صدري ..

لاهنت على مرورك الوااافي ..

عبدالله الهادي قلبك اخضر فديتك ولا الومك

صــــــ لسانك ملييييون ــــــــــــــــــــــــــح

عبدالهادي الهاجري

مرحبابك وصح الله لسانك ولانعدم تواصلك الجميل

ناشر

اللي قلبه مهب اخضر يراجع نفسه

صح بدنك مليوووون ..

حمد الدليهي

صح بدنك

واشكرك على مرورك الراقي ..

تحيـــاتي ,,