ســاهر كـامــل !!!

السلام عليكم ورحمة الله وبركاته
خاطرة ( والشعر رسالة )

امل ان تحوز على رضاء بعضكم




[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=sp num="0,#400000"]
لاجيت للسوق باشري مثل من يشترون = قالوا البضايع سعرها زايد كمبليت

قلت ارفقوا بالمواطن وارفقوا بالزبون = ماكل من لبس له ثوبٍ معه حقل زيت

انا مواطن سعودي جعلكم تسلمون = رزقي على الله ولاغيره طلبت ورجيت

لاراتبٍ اقبضه ولا ضمان وشئون = ولا مع اهل تجارة بعت ولاّ شريت

راضي و ماقدّره ربي عليه يكون = باللي كتب لي عظيم الشان ربي رضيت

لاكّن ساهر محّملني التعب والديون = لاجله تسلفت واتحملت ولا قضيت

عجزت اعيش عيالي علّهم يكبرون = واحترت مابين عيشــتهم وفي إيجار بيت

ساهر تجرا عليه كل يوم يمون = في كل حارة يصورني وانا مادريت

متخفي بين عيدان الشجر والغصون = واحيان متخفي له في غمارة ونيت

يتعلم السرق مثل اللي غدو يسرقون = اللي ذممهم وساع ودمهم مسميت

يا (كامل ) اركد ترى العربان مايجهلون = الناس كبرت وصارت عارفه ويش نويت

لوكان قصدك صحيح ان العرب يصلحون = ماكان جبت الطرب والخزي ولا استحيت

عبر الفضاء والمشاهد والغناء والفنون = حن مانسينا ولا يمديك عنها نسيت

ايهون بعض الطمع الا الجشع مايهون = لوّ انك وادي من فلوس الضعوف..امتلبيت

ماقول ساهر غلط لكنكم تغلطون = جبته شروطه غلط والظلم حيله مميت

الناس تدعي على اللي في الخطاء ينهجون = ترجي وتدعي وانا ضمن الغلابه دعيت

لله واكبر عليكم ياوساع البطون = ماهمكم غير كشختكم مع الايتكيت

ماخفتوا الله وما يطرا لكم تفعلون = ياهل الفساد الاداري لاجل سمعه وصيت

ياخادم البيت تكفا نصفهم ينهبون = قومٍ تنفذ خططها صبح ولا مبيت

واحنا بدونــك معاهـم يا بو متــعب (بدون) = يالحاكم اللي على شعبك تعبت ووفيت

ان كان تركتهم واعطيتهم مايبون = اقل واحد بناء له عالثريا سويت

وإن كان بقيوا كذا بشعورنا يلعبون= لاوالله الا غدينا كل ابونا شتيت

هذا قليل من اللي شـاهـدته العيون = واللي انحجب مايكّفي فيه مليون بيت[/poem]

قصيدة قويه جدا جدا
في المعنى وفي المبنى وفي الاسلوب وفي الشعر الفاخر
لاعجمت ولاهفيت يامضواح

صح لسانك وبيض الله وجهك

يا

مضواح بن شتوي

نص متعوب عليه وشاعر يستاهل التقدير والإعجاب كما هي عادته دائماً جعلني ما اعدمه

تشرفت واستمتعت بقصيدتك

تقبل مرور أخوك

أبو نواف

ساهر تجرا عليه كل يوم يمون
في كل حارة يصورني وانا مادريت
متخفي بين عيدان الشجر والغصون
واحيان متخفي له في غمارة ونيت:
:
كم هو جميل ان ان يجيّش الشاعر احاسيسه ومشاعره مع قوة اقتداره الشعري لمثل هذه ِ المواضيع ويعبر عن معاناته ومعاناة الأخرين عن بعض الأنظمه والقوانين التي تخالف وهي مخالفه ..
صح لسانك يابونايف ودام رأسك معززاً وشعراً جزلاً