هلت عيوني والسحايب تزبرت = ويوم انشدوني قلت ماهوب موقها

صلوا على محمد ..






البارحه عيني تخايل بروقها
من يوم لاحت والمخايل تفوقها ..


تسْبر سحاب ٍ كل ماهل ماطره
يروقها واحيان ماهو يروقها ..


استذكرت ليلة فراق ٍ مسبّره
تشبه همايلها وصادق حقوقها ..


فيها خذوا معشوقتي وارحلوا بها
وخلْيت منازلها وهجْرت طروقها ..


وهلت عيوني والسحايب تزبّرت
ويوم انشدوني قلت ماهوب موقها ..


ماغير اخايل كل سحب ٍ مهمّله
وانتو تحسبون فضحتها فتوقها ..


ولو الدموع تذاق ويجوز شربها
كان انفضحت بعين منهي تذوقها ..


حتى ملوحة دمع عيني اظنّها
من ملحها اللي زاهيات ٍ خلوقها ..


ياصبر عين معيض ياهملالها
لا مر في باله طلايع عذوقها ..


والا ذكرت الفرصه اللي ماعوّدت
وضيعتها من يوم ضاعت وفوقها ..


عضيت كفي لين يدمى عشانِّنِي
امنت ناس ٍ اخدعتني حلوقها ..


فاللي سواتي كيف ينسى غرامها
وهي بروحه حقها من حقوقها ..


بين الضلوع امربعه في حلالها
داجت مفاليها وداجت نثوقها ..


لين انكتب فرقا وراحت بحالها
اسوق خطوة كل رجل وتسوقها ..


ذي حالتي لين انقضى الليل وانجلى
لاطاب لي خاطر ونفسي بعوقها ..


وغيّبت كنّ الوقت باسمي يقول لي
دنياك دواره وتجهل فروقها ..


حتى ولو تشرق وتغْرب ماضرّتِك !
فـ إن اغربت ماتنضمن لي شروقها ..


ولو تصطبح منها وتاخذ حوايجك
ماهوب شرط ٍ تغتبق من غبوقها ..


وثنتين عاثت دنيتك ماحسبتها
خلتك كنك تحتها وانت فوقها ..


( لاتامن اللي ماتصفي ضميرها
لو اضحكت عندك ولوت شدوقها ..


والفرصه اللي مره ولاتعود لك
اليا استوت لك خمها من عروقها ) ..










.

[align=right]اللهم صلي على محمد وآله

الفاضل معيض بن شملان

صح الله لسانك وأعتلا شانك ..أبدعت وأمتعت وسلمت يمناك ...نص فاخر جداً



دمت بخير [/align]

بلا تعليق انت مبدع وراع
بس ابي اعرف شي من وين أجيب ذا الكلام

فمندون وجه المعتدي صك بابك

بعض الخطا يهدم جسور المحبه @ لاصارت الغلطه من اغلى صحابك

اصبر عليه يجوز من غير سبه @ صار الخطا منه وهو ما درابك

وإن كان شفته قاصد ومتنبه @ فمندون وجه المعتدي صك بابك

خله وما با قي من الوصل جبه @ سكر عليه وشطبه من حسابك

عل وعسى في يوم ينهاه ربه @ وان جاك تايب لا تقل ويش جابك

ولو الدموع تذاق ويجوز شربها
كان انفضحت بعين منهي تذوقها ..


حتى ملوحة دمع عيني اظنّها
من ملحها اللي زاهيات ٍ خلوقها ..


ياصبر عين معيض ياهملالها
لا مر في باله طلايع عذوقها ..

صح الله لسانك يامعيض مبدع في كل غرض وكل بحر

صح لسانك معيض

ولاهنت على هـ الأبدااع

تقديري,’’