قصيدة القبائل العربية

[صقرراشدالسلوة]

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
قريت تاريخ العرب عبر الأزمان=حاولت اعيد انسابهم قدر الإمكان
كتبتهم بالمختصر في قصيدي= شاعر ولي قدره على نظم الأوزان
كل العرب يرجع نسبهم لقسمين=قسم لبني عدنان وقسم ٍلقحطان
عدنان اقسامه مضر والربيعه= ومضر بها خندف وبه قيس عيلان
الياس خندف به قريش الكريمه=ومنهم بني هاشم والأشراف الأعيان
منهم بني شيبه ومخزوم منهم= ومنهم بني خالد لهم فيه برهان
بني تميم اللي فروعه عديده=وبني أسد كانت لهم نجد بلدان
اللي يسمونه بعد قيس عيس عيلان=منهم هوازن ومن يسمى غطفان
ثقيف وعتيبه فروع الهوازن= وسبيع وال سهول ومازن وعدوان
منهم بني هلال ومنهم بني ياس=اللي به المكتوم وال النهيان
غطفان له عدة فروع وقبايل=منهم فروع مطير وعبس(ن) وذبيان
قسم الربيعه نسلهم آل وائل= وال العطوي والأكلبي عند نجران
وائل بها بكر وعشاير تفرع = أقسامها منها حنيفه وشيبان
تغلب بها فرع ٍ يسمى دواسر= ال عنزه وسط الجزيرة له اوطان
قحطان مصدرهم جنوب الجزيرة= أقسامهم مابين حميّر وكهلان
كهلان به مالك وكنده ومذحج=ومنهم قبيله طي وحروب خولان
مالك به الأنمار وال العفالق= وخثعم ومنهم بالنسب ال شهران
منهم بني مالك وال الجبيله= وهمدان منهم يام مره وعجمان
الأزد فيه البقوم والحجر كله=والأوس والخزرج وغامد وزهران
مذحج لها ترجع سلالة عبيده=ومنهم بني هاجر وحارث وشمران
طي(ن) قبايل من بني صخر واللام= وشمّر بها احلاف من عدة أركان
وفروعها عبدة والأسلم وزوبع= بأجا وسلمى والعصامي ورمان
واللام فيه الفضول وال المغيره= ال الظفيري والكثيري ونبهان
حميّر قضاعه به بلي وبني زيد= منهم بني نهد وجهينه وسرحان
وآخر كلامي كلنا اولاد آدم = والخير بالتقوى وفي حسن الإيمان
قلته حسب علمي لبعض المراجع= والعلم عند الله وهو عالي الشان[/poem]

صح لسانك وطاب بيانك ..

قصيدة تاريخية رائعة ..

لا هنت .. لا هنت