عن بعض الأشياء صد ..!!

مع بداية السنة الجديدة



اهدي لكم هذا النص الشعري اتمنى ان يرقى الى ذوقكم



(( عن بعض الأشياء صد ))



[poem=font=",7,black,normal,normal" bkcolor="transparent" bkimage="" border="double,7,blue" type=2 line=0 align=center use=ex num="0,black""]

الوادعي .. من هاجسه .. جاب تخصيص = شعر .. يشابه للذهب .. بين فضه

به يستزيد .. أهل الوفاء .. والمقانيص = والعدم .. يأتي له .. في الليل ومضه

لا صار مالك من رفيقك مخاليص = الا .. على ما تكره النفس .. فارضه

أعطه مطاليبه .. ومحصه .. تمحيص = لا تغمطه حاجه .. ولو كانت عضه

خله يجيك .. وخلك تجيه .. وتهيص = في خاطره .. وان كان له دين فاقضه

لا تجرحه .. وتسوق في نفسه .. العيص= ما فيه احد معصوم .. والطرف غضه

عن بعض الأشياء صد ... لو أنك حريص = خلك حصان .. ولأجله ابليس رضه

بكره يغيب .. ويلحقة دمعك رخيص = وابهام كفك .. عقب فقده تعضه

ما عاد ينفعك التوجد .. وتقريص = أنصحك .. تسبق يومه .. بيوم واغضه

واحذر .. من اللي كنه الثعل .. والنيص = بين الجماعه .. ما بناء حيد فرضه

في الكايده .. معروف .. بالشيخ ملييص= وفي الهينه .. تلقاه .. في كل لحضه

يخاف .. من بعض العلوم المراصيص = وأن .. جاء لربعه شان .. بالخبث فضه

انا اشهد .. ان راسه يبي ( سن ) ترصيص= من شان يمسك لرض .. ويسير بارضه

واللي يدور غير ربعه .. مفاريص = خسران .. ما يلقى من الناس مضه

لا صار يوماً فيه .. غبن .. وملاقيص= تبيعه .. برخص التراب .. وتقضه

لذلك .. أسمع كلمتي .. وانته بخيص = رفيقك الجيد .. على الطيب .. حضه

[/poem]





وسلامتكم





تقبلوا تحياتي



اخوكم



ابونايف

الشاعر القدير معيض الوادعي

نص جميل جدا

المحافظة على الصداقه واختيار الصديق مهم جدا في زماننا هذا وفي غيره

ان التغاضي عن هفوات الصديق تجعل حبل الوصال ممدودا بين الطرفين وتستمر العلاقة

الف صح الله لسانك يالوادعي

الشاعر القدير / معيض الوادعي

نص جميل جدا ومعناه هادف بمعنى الكلمه
لاهنت وبيض الله وجهك

تحياتي

الشاعر القدير معيض الوادعي

نص جميل جدا

المحافظة على الصداقه واختيار الصديق مهم جدا في زماننا هذا وفي غيره

ان التغاضي عن هفوات الصديق تجعل حبل الوصال ممدودا بين الطرفين وتستمر العلاقة

الف صح الله لسانك يالوادعي

الرائعه

شواهق نجد

شاكر لك تلطفك بالمرور والاضافه الجميله

وصح بدنك


تقبلي تحياتي

اخوك

ابونايف

صح الله لسانك وقلبك يامعيض
نص اجتماعي فاخر

الشاعر القدير معيض الوادعي

نص جميل جدا

المحافظة على الصداقه واختيار الصديق مهم جدا في زماننا هذا وفي غيره

ان التغاضي عن هفوات الصديق تجعل حبل الوصال ممدودا بين الطرفين وتستمر العلاقة

الف صح الله لسانك يالوادعي

الرائعه شواهق نجد


شاكر لك تلطفك بالمرور والمشاركة وشرحك الوافي


وصح بدنك

تقبلي تحياتي

اخوك

ابونايف