العمله الصعبة !!

[poem=font=",5,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

لابد الليالي تكشف الخافي المستور =مثل والمثل كنه بالاعيان ينشافي

حياة البنادم بير جمه وقاعٍ بور=اذا ما ورد للعد ما يظهر الخافي

كما العله الي ما تشخص من الدكتور=يموت العليل وعلته بين الانجافي

لو ان الحقيقه واضحة وأوضح من النور=غدت لعبةٍ ما بين كاهن وعرافي

صحيح التجارب فايده والزمان يدور =لكن ما بقا للتجربه حل وانصافي

يحدك على بعض المواقيف شاهد زور =يا لين الطموح الي تمناه ينعافي

ترى العمله الصعبه لها في التجاره دور =لو ان مصلحتها بين تاجر وصرافي

تخالفك في الافكار وتخالف الدستور=تدّور وراء الارباع من بعد الانصافي

تروج وعودٍ تقتبس من وعد بلفور = تقرب لك النيتو ليا قلت يا كافي

اكاذيب واستنكار وضع وتقمص دور=تحدد هدف غامض لتشتيت الاحلافي

ولا باقي الا جملتين وثلاث سطور = طلاسم تبي عقلٍ مدبر وعرافي

ترى من خذا له من ردي الروابع شور = غدا مكرةِ مابين ترسٍ وحذافي

[/poem]

الاخ الشاعر / عبدالله
صح لسانك شاعر مقتدر
بيض الله وجهك ولاهنت

تحياتي

صحـيـح الـتـجـارب فـايــده والـزمــان يـــدور
لــكــن مــــا بــقــا للـتـجـربـه حــــل وانـصـافــي
يحـدك علـى بعـض المواقـيـف شـاهـد زور
يــــا لــيــن الـطـمــوح الــــي تـمـنــاه يـنـعـافــي
:
:
:

صح الله لْسانك ياعبدالله .. نص مغلف وثري بالجزاله ومتماسك بتوظيف مفرداته التي تم وضعها في المكان المناسب