:ولي عهد المملكه:

[align=center]السلام عليكم ورحمة الله وبركاته

بمناسبة تعيين الامير/ نايف بن عبد العزيز ال سعود
ولياً للعهد اقدم لكم هذه الابيات .





اسعد خبر جانا بتعيين نايف
وليّ عهد المملكه عقب سلطان

... راس ٍ رسى مابين كل النوايف
من مقرن اقصاهم اليا راس سلمان

طيري بــ علمه ياجنحة الصحايف
واهـدي لنا عـن طيـب الذكر عنوان

بكره نبا نسمع جميع الشفايف
يقلون يتستـــاهل شوارب كحيلان

الشامخ النادر عديم الوصايف
اثــّــبت جداراتـــه على كل ميدان

عن الوطن حاظر وسامع وشايف
وكلتا يدينـه في سـماء العدل ميزان

وتهاب ميقافه جميع الطوايف
لانــه على منهـــج وسنــــه وقرآن

ودايم عدو مومن الدار خايف
ويبقى صديق مروع الخصم فرحان

ويالله عسى الفرحه بتعيين نايف
تجبر عزاء التاريخ في موت سلطان

,.
,
.,[/align]

صح لسانك وطاب بيانك ياصالح
قاف وميقاف وشعر وشعور ومتصفح رائع

صح الله لسانك ياصالح ... شاعر تواكب كل حدث وتأتي بما هو جميل وثري

اخي الغالي صالح الهذلي ارحب تراحيب المطر وكل عام وانتم بخير

صح الله السانك وبيض الله وجهك والله يعز الدين والوطن والمليك


ويرحم سلطان بن عبدالعزيز رحمة واسعه آمين يارب العالمين


تقبل اجمل واطيب التحايا والتقدير

اخوي صالح الهذلي

صح لسانك واعتلا شانك

حضورك رايع وغير مستغرب

تقبل احترامي