مرحوم ياستر البلاد وذراها

[poem=font="traditional arabic,6,,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]

ياعين ياللي غرّق الخد ماها=وخدودي اللي تشتكي دمع الاعيان

حاولت اسلي خاطري من بكاها=لوّ البكاء مكروه في بعض الاحيان

مرحوم ياطب الكبود ودواها=يافزعة اللي صابه هموم واحزان

مرحوم ياستر البلاد وذراها=مرحوم ياقلب من الطيب مليان

مرحوم يانور الديار وسناها=مرحوم ياللي له مع المجد عنوان

ابو اليتاما اللي الزمان ايحداها=وتاج المريض اللي شكى ضيم الابدان

لامد كفيه الصخيه ملاها= ومن مدته يتجر فقير وطفران

كم من فقارى عالبسيطه عطاها=وليا عطاء مايدري فلان وفلان

وكم مشكله ليا حضرها نهاها=بين الدول وشعوبنا لاجله اخوان

وان قال كلمة صانها واحتماها=لاقالها على المنابركحيلان

على شعوب الارض يطلع صداها=الله عطاه الحلم والعرف ولسان

شعبٍ على موتت عقيده تباها=وشعوب تتباكا على موت سلطان

الشعب وافي والحكومة وفاها=لبن الوطن في كل محفل وميدان

وحنا عوضنا في مليكٍ حماها=صقر العرب لاثار عج ودخان

ونايف ليا مالت ودارت رحاها=سور الوطن عن كل باير وخوان

وسلمان ياذخر البلاد وغناها=وحنا لابو متعب ونايف وسلمان

وحنا ذرا الدوله وحنا فداها=اطهر وطن واشرف وطن بين الاوطان

هذا وصلى الله على روح طه=على النبي الهاشمي نسل عدنان[/poem]

الصلاة والسلام على رسول الله
وصح لسانك يابوشتوي على هذا الشعر والشعور

صح الله لسانك اخي الكريم

مشاعر نبيلة من ابناء الوطن البرره

الله يرحم الفقيد ويجبر قلوبنا في سلطان الخير

الله يغفر له ويرحمه ويسكنه فسيح جناته..
شعور صادق يا مضواح وقصيدة جزله من شاعر جزل ..لافض فوك

اخوي الغالي والوافي ابو نايف
صح لسانك واعتلا شانك
الله يغفر له ويرحمه ويسكنه فسيح جناته أمين