شكيت من حبّك ولا أحدن سمعني ...

صبحكم/مساكم الله بالخير ...
للتواصل اتمنى انها تحوز على رضاكم ...


شكيت من حبك ولا احدن سمعني

محدن سمع صوتي ولا شاف شكواي

مدري بحبك هو زماني خدعني!؟

والا الزمن يلعب بالاقدار وياي؟

اجيك عاني والشقا ماردعني!

واسوق رجلي للتعب دوم برضاي!

ولاشفت مصلوحن بحبك تبعني

الا عذابك ياعنا القلب و غناي

حبك من الناس وزماني نزعني

يمشي بدمي ساكنن في حناياي

ياليت تدري غيبتك ويش تعني!

(ضياع) يادرب السلامه ومرساي

ماالحق ضياك الا ظلامي تبعني!

والجرح يمشي دوم في جرّة خطاي!

ماردّني بعدك ولا قد منعني

وعلى كثر ماقد مضى اعشق الجاي

ولا أطيعك لوّك تقول بعني!

زود الغلا ماتوصفه لك سواياي

حبك نثرني بعد ماقد جمعني

يامن بيحييني ويجمع بقاياي


وسلامتكم

فهد صح لسانك

الاخ الشاعر / فهد
ياسلام ابيات جزله من شاعر جزل


تحياتي

فهد صح لسانك

صح بدنك اخوي ناشر

الاخ الشاعر / فهد
ياسلام ابيات جزله من شاعر جزل


تحياتي

صح بدنكـ اخوي سعد وماعليك زود