يا شعري اللي ضاااااااااااااااع !!!

[align=center]

السلام عليكم ورحمة الله وبركاته

استلمو ولاهنتو[/align]




[poem=font="Simplified Arabic,4,#120B07,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا شعري اللي ضاع باول وتالي = ماغير اصفه بالدفاتر والادراج
لو كنت انا صاحب سمو او معالي = لاغير يسطع نجمي بكل الابراج
يالعنبو هالوقت مافيه غالي = حتى جواهر هالزمن أصلهن صاج
بالمال تشري لك عمام وخوالي = وتشري عقول الناس لو كنت محتاج
البوم ساد وصار ابا حصين والي = والحر حول وارتكى خلف الاسياج
وسحم الضواري والسباع المدالي = ماهي على خبرك بعد صارت نعاج
ياحظي اللي طاح ماله موالي = ماعاد ينهض لو ضربته بكرباج
شاعر وقافي لا نخيته مشالي = ترسم حروفه لي زمرد وديباج
هادي وينسف كل طامن وعالي = وشلون أجل لا ماج بحري واذا هاج
ماهوب لي نوم الضحى باعيالي = اطق باب الله وياتي بالافراج
احشم عن دروب الدنايا عقالي = واكرب حزام الصبر قدوه ومنهاج
واعبد جناب الله ولا اعبد ريالي = يعلم بما يخرج ويعلم بما لاج
المرجله هي تجرتي وراس مالي = وترى القصيده بين مدخل ومخراج
من دونها كان افختت وش بقالي = مولود انا بالجوف و مالي بالافلاج
ارحل مع اشعاري واشد الرحالي = يلعب بي الهاجوس من فوق الامواج
واشطح مع الفكره على كل جالي = واشعل ظلام الليل بنجوم وسراج
من روس ربع ٍ من خيار الرجالي = مابينهم في مجلس الطيب لجاج
لو المرض يلعب بنا ما نبالي = نعمل من الحلتيت والمره علاج
بعض القصايد هرج ياهملالي = بين الممثل والمؤلف والاخراااج[/poem]
وسلامتكم

اخي عبدالرحمن صح لسانك ابيات ومعاني ساميه لاهنت

شــاعــر وقــافــي لا نـخـيـتـه مـشـالــي
تـرســم حـروفــه لــــي زمــــرد وديــبــاج
هــادي وينـسـف كـــل طـامــن وعـالــي
وشلون أجل لا مـاج بحـري واذا هـاج
مـاهـوب لــي نــوم الضـحـى باعـيـالـي
اطـــــق بـــــاب الله ويـــاتـــي بـــالافـــراج



صح لسانك ولا فض فوك اخي عبدالرحمن


دقيت على التوتر الحساس



لا هنت

شاعر متمكن ونص فاخر



تقبل تحياتي


اخوك


ابونايف

احـشــم عــــن دروب الـدنـايــا عـقـالــي
واكــرب حــزام الصـبـر قـــدوه ومـنـهـاج
واعـبــد جــنــاب الله ولا اعــبــد ريــالــي
يـعـلـم بــمــا يــخــرج ويـعـلــم بــمــا لاج
:
:
:

شعرك اصيل ونفسك عزيزه .. صح لسانك وطابت معانيك رجلاً وشعراً