Tweet
اصبح دعاة الشر يصولون ويجولون في مملكة الخير بصمت من اهل الخير
والمحب لدينه ووطنه وولاته ناصح مخلص ويتحمل النتائج
ان كان صادقا (ومن غشنا فليس منا)
خصوصا في عصرنا هذا فالسكوت غرق كبير ولايقبل تبرير
حفظ الله بلادنا وامننا وكفاها الله شر دعاة الشر فليس لهم وطن ولا انتماء
بل مع من جاء وغلب فالزمان يعرفهم والرب يمقتهم قاتلهم الله انى يؤفكون
وهي موجهة للشاعر والاخ حمير ابن علي الدوسري
[poem=font="Simplified Arabic,5,#000000,bold,normal" bkcolor="#000DFF" bkimage="" border="none,4,#400000" type=2 line=0 align=center use=ex num="0,#400000"]
[poem=font="Simplified Arabic,5,#1A00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياحمير قفى الخير من مهبط الخير=من يوم طاوعنا رموز الظلاله
محرفين الدين والحق تزوير=ساس العمالة والخنا والجهالة
ماهمهم دين ولاهمهم غير=أكبر همومه كيف يجمع رياله
بيت حماه الله ياحمير بالطير=في مطلع الاسلام من جاه جاله
من صايل الكفار واعتي المغاوير=ومن صولة الدجال لاجا مجاله
دار الصحابة والرجال المناعير=دار الحبيب المصطفى والرساله
دار الزعيم مسطر المجد تسطير=مجدد الاسلام والكل قاله
عبدالعزيز يشير ويغير ويجير=راعي الوفا من طيب جده وخاله
يضرب على الهامة ويشرب من البير=ويرسخ كما ترسخ رواسي جباله
ماراعه الكافر يكثر الخماكير=ويميز الاشوار قاله وطاله
واليوم راعي العلم مذموم وصغير=يرتاع متعوس الرجا من ظلاله
خلو مقابيس الفتن مقدم السير=لاكان مسكاته مقادم زواله
سبحان من يملك زمام المقادير=لاهمش التاريخ صفوة رجاله
ان كان عز الدين رأي الغنادير=ومخالف الفطرة بقول الثعاله
نبينا فحل يهز الطوابير=ماراح بالحرمة تبين جهاله
ولاترافع بالحكا ولشاوير=مير الكحيلة للفحل طيب فاله
خير على خير ولمثال تذكير=خافوا من الله كان فيهاعداله
ياحمير جاك القاف مافيه تأخير=والناصح الرجال ماجاه شاله
حنا فداها بالغنا والبواتير=حنا الفدا ماعاد فيها طواله[/poem] [/poem]
تعليق