<<.. الأقنعة ..>>

[align=center]اضع بين ايديكم هذه المتواضعه ... وارجو ان تنال على اعجابكم


الابيات

[poem=font="Simplified Arabic,6,undefined,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

مخفيه وجهك ورا كم من قناع= وبالخداع تجملين الاقنعه
ما اطيق الكذب واعشق الـ/إبتداع= والبلا في الكذب انتي مبدعه
في غرامك مالقيت الا الضياع= وفي عذابي دايما مستمتعه
باذل ٍ وياك كل المستطاع = وان تكسر حلمي ارجع واجمعه
حبك اصبح مثل قيد ٍ في الذراع= يحتويني وماني قادر انزعه
مثل موج ٍ في انخفاض وفي ارتفاع= جاني من كل الجهات الاربعه
شالني من فوق (سفح) لوسط(قاع)= وابتلاني جعل ربي يدفعه
صرت احصد الهم من ارضك جِماعه= وانتي ايدينك هي الي تزرعه
انتي اولا به وهذي بلا نزاع = ليه اشيله عنك ..وش لي منفعه؟
لاقرابه دم ..ولاهي بالرضاع = ولاهو معروفٍ زمانه رجّعه
لاتحسبين ان امرك لي مطاع= او تحسبين ان هرجك اسمعه
عارف ٍ هرجك ترا كذب وخداع= وكومه اعذارٍ في بالك مقنعه
ودك اني لك مثل جبهة دفاع = فزعتك يوم ٍ تجين مروّعه
مادريتي اني رفضت الانصياع = وانك اصبحتي لوقتي مضيعه!
ومع جنابك مايفيد اني شجاع = يلزمك غدار اسلحتك معه
لاكذبتي صاع يكذب الف صاع= وان لعبتي به دخلتي زوبعه
والغدر ماهوب عندي في الطباع= ولاعشانك اقبله واتطبعه
والمثل قد قال منهو باع..يباع = وان تخلا لاتجيه وتمنعه
الله الي خص خلقه بالسماع = قادر ٍ عـ الظالم انه يردعه[/poem]


وسلامتكم [/align]

كل الشكر .. لجميع الراقين الذين مرو من هنا

حتى وان كان المرور صامت ... فقد تشرفت بأطلاعكم على هذه الابيات

والـمــثــل قــــــد قــــــال مــنــهــو بــاع..يــبــاع
وان تــــــــخـــــــــلا لاتـــــجــــــيــــــه وتــــمــــنــــعـــــه

:
:

هلابك ياماجد .. تسلم على تواصلك ودام نبضك

حمد الدليهي


صح بدنك ولا عدمنا اطلالتك ...