راح الشتا وأقبل الصيف

[poem=font="simplified arabic,7,teal,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عسى السحاب اللي نصوبه مراديف=يسقي ثرى دار لاحاها الجفافي
يرهي على مرابع البدو والريف=أيلين تروى من مطره الفيافي
حتى تزين لكاسبين المعاريف=ويرفاهم اللي للمخاليق رافي
وأهل المراجل للمراجل مواليف=أهل السلوم البيض وأهل الملافي
واللي يصرفها على غير تصريف=لابد له من وقفةٍ وانصرافي
ما هو على كيفه ولا هي على الكيف=يكفيه لا جات المواجيب كافي
وأن عوّدت عقب المغازي مناكيف=مردها لمسمنين العجافي
روح راع المنسف وروح راع السيف=وأثارهم تسفي عليها السوافي
يا اللي تمترها من السيف للسيف=وينك و وين اللي تبي يا السنافي
لو كان في راسك أفكار وتصانيف=متكدرٍ جوك ولا هوب صافي
قدام وخلاف المراكب مراديف=من كثرهم قامت تضيق المرافي
والصيت مركب والروابع مجاديف=والموج هادي والبحر ماه دافي
والمشكله راح الشتا وأقبل الصيف=ولا حصل فرقى ولا به تصافي
خمسة عقود كلها زيف في زيف=والسادس اللي كثر فيه الجزافي
حدوك خلان السعد للمشاريف=وحظك رثع مثل ذلول الشرافي
يا حيف ساقتك المقادير يا حيف=للموقف اللي ما عليه اختلافي
أما تقوم وتحتزم للمواقيف=والا قفاك من المشاريه قافي
دنيا تدور و وضعها صعب ومخيف=لا شك ما يخفى على الله خافي
وأسرار عقال العرب والملاقيف=صندوقها بين الضلوع النحافي
وشاب القصيد وشيبن المحاريف=والموهبه تفرق عن الاحترافي[/poem]
عبدالله المشعلي

صح لسانك وطاب بيانك يابومبارك

والمـشـكـلـه راح الـشـتــا وأقــبــل الـصــيــف
ولا حــــصــــل فــــرقــــى ولا بــــــــه تـــصـــافـــي
خـمـســة عــقــود كـلـهــا زيــــف فــــي زيــــف
والــســـادس الــلـــي كـــثـــر فـــيـــه الــجــزافــي
حــــــــدوك خــــــــلان الـــســـعـــد لـلــمــشــاريــف
وحـــظـــك رثــــــع مـــثــــل ذلـــــــول الــشــرافـــي
يـــا حـيــف سـاقـتــك الـمـقـاديـر يــــا حــيــف
لـلـمــوقــف الـــلـــي مــــــا عــلــيـــه اخــتــلافـــي
أمــــــــــــــا تـــــــقـــــــوم وتــــحـــــتـــــزم لــلـــمـــواقـــيـــف
والا قـــــفــــــاك مـــــــــــن الــمـــشـــاريـــه قـــــافــــــي

عبد الله المشعلي


قصيدة جزله وعسى الله يعجل بالفرج

تحياتي