ردي على ابو ثامر ...... قصيدتي في ابوي

بسم الله الرحمن الرحيم .....

اخواني الاعزاء ... الوالدين حقهم على انفسنا وعلى ارواحنا وعلى كل مانملك ..

القصيده هذي طلعت معي يوم قريت موضوع ابو ثامر .. جعله يسلم ..

ومن غلاها حبيت احطها بموضوع مستقل ..

عساها تنال استحسانكم.



والله اني لو رخصت العمر كله في رضاك
........................... مايوفي ربع حقك وانت حقك مايهون


يايبه ياتاج راسي يا عسى عمري فداك
.......................... ياغناتي والله انك لو تبي عيني تمون


خمسه وعشرين عام ماترددت بعطاك
......................... ياشبيه الغيث لامن ساقته غر المزون


ترتجيني ياعسالله مايخيب لك رجاك
......................... صاين عهدت الاهك باليدين وبالمتون


الحقيقه وانت تدري ما يعززني سواك
.................. والسبب واضح على اللي يدركون و يفهمون


والشعر وان كنت بمدح بالشعر هذا وذاك
....................... انت حقك فوق هامات القصايدواللحون


العفو واستغفر الله بس احس انك ملاك
........................ ساع تجلس واتّكلم يمتلي صدري سكون


واتطمن واملك الدنيا بجلساتي معاك
...................... وان تنهض عز طرفك تنكسر كل العيون


والله اني لو كثر خيري فانا خيري ذراك
................. شوفني رجال كامل بس دونك .. ويش اكون؟


ووش يكون العمر من دون اجتهادي في غلاك
................ ووش يكون العطف والرحمه بدونك وش تكون؟


يايبه تكفى لعاد تشيل هم في حشاك
...................... يكفي انك قد تجرعت الليالي والغبون


يايبه يانور عيني شب عمري في هناك
..................... والله انه ابرد امن الما على كبدالظعون


يايبه ياجعل روحي فدوه لموطى خطاك
....................... حطني بينك وبين الوقت وكبار الطعون


يايبه ياجار كبدي انذبح ولا اعصاك
...................... عقب اللي قولوا وقالوا وهم مايفعلون


العمر والنفس واللي املكه كله فداك
..................... واعرف انه ربع حقك وانت حقك ما يهون




اخوكم:
عايض راشد

يايبه تكفى لعاد تشيل هم في حشاك
...................... يكفي انك قد تجرعت الليالي والغبون

يايبه يانور عيني شب عمري في هناك
..................... والله انه ابرد امن الما على كبدالظعون

يايبه ياجعل روحي فدوه لموطى خطاك
....................... حطني بينك وبين الوقت وكبار الطعون

يايبه ياجار كبدي انذبح ولا اعصاك
...................... عقب اللي قولوا وقالوا وهم مايفعلون

العمر والنفس واللي املكه كله فداك
..................... واعرف انه ربع حقك وانت حقك ما يهون






ويش سويت يا عايض ؟؟


الله عليك والله ان العبره غصتني ....





الله يرحم والدينا ووالديك ويلحقك برهم ولا يحرمكم من بعض.....






أخوك,
قلب الذيب

الله يبيّض وجهك ويجزاك بالحسنا يارب

عايض صح السانك على قصيده لها درجة الممتاز

لاهنت والله ياعايض لاهنت والله

يايبه ياتاج راسي يا عسى عمري فداك
.. ياغناتي والله انك لو تبي عيني تمون


خمسه وعشرين عام ماترددت بعطاك
.. ياشبيه الغيث لامن ساقته غر المزون


ترتجيني ياعسالله مايخيب لك رجاك
.. صاين عهدت الاهك باليدين وبالمتون



اشاعر عايض بن راشد

صح الله السانك


بيض الله وجهك وهذي عوايد الرجال اللي فيهم خير مثلك وشرواك

الف الف شكر على تطرقك لهذا الموضوع.


تقبل تحياتي

عايض راشد صبحك الله بالخير

الوالدين مهما سوينا ما نلحق جزاهم

صح السانك ولاهنت حقيقه قصيده ومشاعر صادقه


تقبل فائق الاحترام



حسن الوطري

ابو راشد,,,



الله يبارك فيك وفي برك لوالديك,,,,,




ولا يخليكم من بعض,,,





ابقولك شيء؟؟




هذا هو اطهر اغراض الشعر,,,







تحياتي وصح لسانك مليون










اخوك وتلميذك/
عبدالله ذويبان

الاخ الغالي عايض بن راشد ...


بيض الله وجهك اشهد انك وافي في كل الامور جعلني ما خلا منك ...

مبدع في كل الاحوال

قصيده كلها درر واحجار كريمه ولولو ومرجان هذا اقل ما يمكن ان يقال عنها..


صح لساااااااااااانك مليون ..



الوالدين مهما عملنا فلن ندرك ولو جزء بسيط من حقهم الا يكفي انهم سبب وجودك في هذه الحياه ...


تقبل تحيات اخوك /// ابو مهدي

هلاااااااااااااااااااا وغلااااااااااااااااااااااا



بيض الله وجهك يابو راشد


قلت ووفيت انا اشهد


قل آآآآآآآآ مين




ثم قل




آآآآآآآآآآآآآآآآآآآآآ مين





الله يخلي لك من تحب ويرحم والدينا ووالديك والمسلمين اجمعين


تسلم ياعايض تسلم اي والله تسلم ..




اخوك حمد السحيمي

ابو راشد الله لايهينك يابو راشد على ذي القصيده التي



اعجبتي كل العجب وعزالله انك كتبت فاجزت وجزاك عن والديك



كل خير ووفاء ودمتم ذخرا لكل عين ترجيك.



اخوكم : المري

يايبه ياجعل روحي فدوه لموطي خطاك
.......حطني بينك وبين الوقت وكبار الطعون

اخي الممتع في كل حالاته عايض راشد

الله عليك وعلى هذا الابداع اللي محله وقصيده جزله قيلت في جزل وراحت لمن يستحقها .

انا اكتفيت بذكر بيت واحد من القصيده وهذا البيت يعادل كل مافي الساحه من قصائد مستنسخه والله اني اجد نفسي عاجز عن التعبير عن مدى حبي لهذه القصيده وعن مدى اعجابي بكل ابياتها والبيت هذا وبالتحديد الشطر الثاني من البيت الذي لو تكلمت عنه الى ماشاء الله لن اكتفي .

شكرا ياعايض شهادتي لن تزيد من ابداعك فأنت من القله القلائل الذين يحافظون على نفس وتيرة الأبداع في قصائدهم فالى الأمام
لك مني كل الأمنيات.

الاخ الــــــــــعزيــــــز ابو راشد


الـــــــلة يمسيك بالخير ويصبحك بالخــــــير



ياشاعر يامبدع كلمات من قلبك صادقة د خــلت


كل القلوب اشكرك والوالديـــــــن حقهم اكبر



اللة يرحم شيبانا وشيبانك وجــــميــع المسلمين

[الوحيد]

اخوي عايض


قصيده معبره الى ابعد الحدوود


واجدت فيهاا بكل اقتداار



الف شكر على اتحافناا بهــاا



صح لسانك ولاهنت





اخوك الوحيــد

حبه خشم يالذيب السنافي


والله اوفيت ياوافي

والشعر وان كنت بمدح بالشعر هذا وذاك
....................... انت حقك فوق هامات القصايدواللحون


العفو واستغفر الله بس احس انك ملاك
........................ ساع تجلس واتّكلم يمتلي صدري سكون


واتطمن واملك الدنيا بجلساتي معاك
...................... وان تنهض عز طرفك تنكسر كل العيون


والله اني لو كثر خيري فانا خيري ذراك
................. شوفني رجال كامل بس دونك .. ويش اكون؟


والله ان العين والقلب والحواس

امتلت اعجاب ياشيخ

دام عز ابوك وعزك يااخوي عايض

اخوك ابوغلا

لله درك.....يا عايض



ووش يكون العمر من دون اجتهادي في غلاك
................ ووش يكون العطف والرحمه بدونك وش تكون؟

يايبه تكفى لعاد تشيل هم في حشاك
...................... يكفي انك قد تجرعت الليالي والغبون


يايبه يانور عيني شب عمري في هناك
..................... والله انه ابرد امن الما على كبدالظعون


يايبه ياجعل روحي فدوه لموطى خطاك
....................... حطني بينك وبين الوقت وكبار الطعون


يايبه ياجار كبدي انذبح ولا اعصاك
...................... عقب اللي قولوا وقالوا وهم مايفعلون


العمر والنفس واللي املكه كله فداك
..................... واعرف انه ربع حقك وانت حقك ما يهون



قصيده يا عايض مؤثره جدا.....

ولن نوفي الوالدين جزء ولو بسيط من حقوقهما...


ووالله انها من اروع القصائد التي قرأتها...

ابو راشد....


تقبل وافر تحياتي وتقديري لك ولقلمك....




اخوك........حسن النايف ( الكاسب )

العفو واستغفر الله بس احس انك ملاك
........................ ساع تجلس واتّكلم يمتلي صدري سكون




الله عليك انا اشهد شهاده انها من افضل القصايد اللي سمعتها



تحياتي لك واحترامي