المواطـن سـاس الأمـن

[align=center]كل عام وأنتم بخيــر[/align]




[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]

لا إله إلا أنت ياللي كلنا نعتازه = منك يالله نستمد العون وقت الشدّه
أنت من بامرك وطننّا ماتذل عزازه = في الزمان اللي به أعصاب العرب منشدّه
من حوالينا نشوف العالم المنحازه = التباغض والتنافر والعرب منهدّه
كل واحد شاهد الواقع على تلفازه = ريّسٍ هارب وريّس قام شعبه ضدّه
وحن نعيش بخير في ظل الملك وانجازه = حلقةٍ من سلسلة خيراته الممتدّه
الملك يسخي على شعبه ويقضي العازه = والدول لقيت فرجها من عطايا يدّه
صامل الوقفه لو إنه ماسك العكازه = ماتغير نظرة العالم طوال المدّه
الجبل ثابت ولو هب الهوا ما هازه = مزبن اللي جاربه وقته وجاء في سدّه
الملك يبقا وتبقا المملكه مركازه = غصب وضعاف النفوس قلوبها مسودّه
في الوطن نفخر بقايدنا وباللي حازه = بين قادات الدول شامخ ولا أحدٍ قدّه
الوطن في حكم أبو متعب وتحت ايعازه = والمواطن في نظر عينه على ماودّه
المواطن ساس الأمن ومستحيل اعجازه = ينسكب دمّه على قاعه ويحما حدّه
الخطر ناطا عليه وعزمنا يجتازه = دام فينا عزم لو كانه جبل بنهدّه
مايهم ان كثروا الهمّازه اللمّازه = حبنا لك ياوطن ورث الولد من جدّه
مملكتنا الأوله والمرتبه ممتازه = عزها بالله ثم آل سعود وقت الشدّه[/poem]



[align=center]وسلامتكم[/align]

مايهـم ان كثـروا الهمّـازه اللـمّـازه
حبنا لك ياوطن ورث الولـد مـن جـدّه


صح الله لسانك يابوبندر

ولاتستغرب منك الجزاله والابداع