جروووح الشقااا

[align=center]مساء الخيراااات

،،،،،،،،،،،،،،،،،،،،[/align].

[poem=font="Simplified Arabic,6,#101D41,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الروح من سبّتك يامتلفي تلفه= تنقل جروح الشقا في درب الاتلافي
حلفت لي بالوفا وازريت بالحلفه= وركبت متن الجفا واقفيت متجافي
جحدتني والمواعد بيننا سلفه= وانا احسب انك عقب هاك السلف تافي
وانا اداريك رغم اطبوعك الجِلفه= وامد لك عن لهيبك ظلي الضافي
واقول خلك قِدم حالي وانا خلفه= رتبة غلاتك تعلّى فوق مشرافي
تحقّ لك تضحيات الوِلْف ياولفه= ونبضة حنين الحشا في ليلي الدافي
صفيت لك واحتملت بحبك الكلفه= وانت اتمخطر علي بطبعك الجافي
وانا شربت الهوى باكواب مختلفه= وذقت المكدّر وذقت الحالي الصافي
وادري عن اقصاه من ياءه الى ألفه= ولا فيه شي من اقصى سيرته خافي
ودّعت ناسٍ وقلت لحبهم ذلفه= وفضّلت صنفك على مذخور الأصنافي
وصوتّ لك اقترب يا فاتني زلفه= من عرش لاماي واسكن داخل شغافي
لكنّ غدرك طعن مظلومك بشِلفه= وانا انتظر منه يكرم قلبي الوافي
واليوم ودّع برغم أوضاعي الصلفه= مانت بكفو يا معذّبني تحسّافي
وش ينفع الحاج لو بيّت بمزلدلفه= لا فاته السعي واستعجل ولا طافي[/poem]

.
.

الله الله ياخالد
نص فيه الشعر الجزل
لاعجمت