دام عزك ياوطن

[align=center]مصافحة بعد طول غياب

بمناسبة اليوم الوطني المجيد



ياوطنا دام عزّك وخيرك مستديم

................. وبيرقـك طول الزمن منزله فوق الغمام


يوم ربي راد لاهل الوفا خـير ٍ مقـيم
................. اذعنت أرض الجزيرة لبو تركي الهمام


وحّدك عبدالعزيز الكريم ابن الكريم
................ واستوت له بإذن رب ٍ عـيونه ماتنام


شدّ حكمك قايد وفارس وشيخ ٍ حكيم
................. الملك عبدالعزيز الوفي راعي الذمام


حاكم ٍ بالحق والعدل والشرع القويم
................ شيخ ما ياخذه بالله كلام ولاملام


في الشدايد والله انه على الشدة حليم
................ ولا تعدّى العلم حدّه فهو درع وحسام


ومن عقب صقـر الجزيرة وقايـدنا العظيم
................ شمّروا اخوان نورة وقاموا بالمهام


الحكم نفـس الحكم والنهج نهج ٍ سليم
................... وارتكوا مثل الجبل للمصاعب والجسام


والله ان الخير بوجـودهم خير ٍ عميم
................. والوطن في ظلهـم أشهد إنه مايضام


واشهد انـّـا اليوم في عز ٍ وفضل ونعـيم
................. يوم ابو متعب تولى القـيادة والزمام


كلـنا جنود الوطن يالزعيم ابن الزعيم
.................... وفدوة تراب الوطن يالامام ابن الامام


وكلنا رجال الوفا والحمية من قـديم
.................... وكل منّا لادعي الداع لبى له وقام


أشــّر ويرجع عدوك يا ابو متعب هزيم
................... وويله اللي ينوي المملكة شرّ وصدام


انت تاج الملك يالعادل الـبـّر الحشـيم
................... ودون مدحك يقصر الوصف ويضيع الكلام


ونايبك سلطان ابو خالـد الشهم الكريم
.................... والي العهد ورفـيع المكانة والمقام


راعي المدات والميح في الليل البهيم
......................ناصر اللي ضاع حقه ولا له في الخصام


والله ان اللي نوى بالخطا عقله سقـيم
.................... كيف ينوي بالخطا والردى دار السلام


كيف ينوى مكة وبير زمزم والحطيم
............... وكيف ينوي الكعبة وينوي البيت الحرام


وكيف ينوي طيبة وثم ينوي بالقـصيم
................. ويرمي الدمام بالغدر با انواع السهام


والله انك ياعــدو الله الخـصم الخـصيم
................... كثر ماتـسقي عـبادالله السـم السقام


رفرفي يالمملكة فوق وابليس ٍ رجيم
................. وانزعي عن وجهك المشرق الزاهي اللثام


والله انك درة ٍ صانـك الـرب الـرحيم
................. ووكل أمرك للشيوخ المشاكيل العظام


ياوطنا دام نهجك وخطك مستقـيم
................. والله انك ياوطن مجدنا فـوق الكلام


ياوطن يادوحة العز والأمن المقيم
................... لك هـفت قلوب كل الأوادم والأنام


الله اللي رافعك فوق والله العليم
................ وكلنا يا اغلى وطن دونك بحرب وسلام


دام ابو مـتعب إمامك فلا يلحقـك ضيم
................. طال مجدك والرخا قام في أرضك ودام


وياوطنا دام عزك وخيرك مـستديم
.................. وبيرقـك طول الزمن منزله فوق الغمام




قديم الشوق[/align]

[align=center]
قديم الشوووق

صح لسانك

وطاب بيانك

والله يحفظ وطنا

ويبارك فيه [/align]

صح لسانك شاعرنا

ولاهنت على هـ الوطنيه الشااامخه

والله يحفظ وطنا وحكومته وشعبه من كل مكروهـ

تقديري لك,’’

واشهد انـّـا اليوم في عز ٍ وفضل ونعـيم
يوم ابو متعب تولى القـيادة والزمام
:
:

تسلم ياقديم الشوق على هذا النص الوطني الجميل ..
تقديري

[align=center]

[align=center]
قديم الشوووق

صح لسانك

وطاب بيانك

والله يحفظ وطنا

ويبارك فيه [/align]

ارحب ياخالد الوقيت

هلا بك والله

وصح بدنك

أشكرك على مرورك العاطر

ومشاعرك الندية

وتقبل فائق تقديري واحترامي[/align]