ما يصح الا الصحيح

السلام عليكم ورحمة الله وبركاته



اقدم لكم قصيدة اتمنى ان ترتقي لذائقتكم




[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=0 line=1 align=center use=ex num="0,#400000"]
انعزالي فيه يرتاح بالي واستريح=في زمان اهل التشنج وكثر البلبله
مارتجي عز الاكابر ولا مد الشحيح=ارتجي من منزل الفاتحه والزلزله
ودي اشرح ما بصدري وانا لساني فصيح=لين افج ابواب صدر الهجوس المقفله
المجامل ما توافق مع الشخص الصريح=والصراحه تالي الوقت صارت مشكله
والهوى الغلاب والهم والقلب الجريح=لا لجت في شخص تثر على مستقبله
ماحسبت الوقت يبلا ضميرن مستريح=لين شفت الهم فالقلب شيد منزله
ياكثر ناس(ن) مع الوقت من عيني تطيح=مادرينا ويش سر الليال المقبله
كان طاب الحظ جعله يوقف ما يطيح=ليش اعاتب من فنون المحبه تجهله
اكتشفت ان المظاهر لها وجه(ن) قبيح=وأخر المشوار ماهوب يشبه لوله
مثل ما قال المثل ما يصح الا الصحيح=ماخبرت التين يطلع بعرق الحنظله[/poem]

مثـل مــا قــال المـثـل مــا يـصـح الا الصحـيـح .. مــاخـــبـــرت الـــتـــيـــن يـــطـــلـــع بــــعـــــرق الـحــنــظــلــه

وافي وابياتك وافية

صح لسانك ولا هنت

صح لسانك وطاب بيانك ياعايض على هذا القاف جزل

عايض العاطفي

صح الله لسانك ملاييين

ولايستغرب منك الجزاله فانت من روادها

نِعم من ارتجيت به ... وابشر بالخير ,,, وهنا لايصح الاّ الصحيح .. متصفح مليء بالشعر بإحساس اتى صادق وبدون مبالغه ولا تعسف اجبرت الذائقه بأن تبحر معك وبنبض حروف نصك..

نص ثري ياعايض وموضوعه يستحق منك هذا العطاء المغذى بالجزاله