خلـّها تمشي ..!!

أعزائي ..



السلام عليكم ورحمة الله وبركاته ..



تحيه طيبه وبعد:



وصلتي أبيات من أخي وزميلي الشاعر / سامي بن بدر الجبيل ..



يقول فيها :




[poem=font="Simplified Arabic,6,#1F244A,bold,normal" bkcolor="" bkimage="" border="double,4,#B1B1A1" type=1 line=0 align=center use=ex num="0,#400000"]
لا مال حظك لا تضيق وتمسكن = احذر تذلّ النفس ، وتصير ممقوت
كلٍّ تمنـّى بالمنيفات يسكن = الله واكبر .. مادروا وش ورى الموت
قم وتوضّى ثم بعدها تسنن = واطلب إلاهٍ فرّج لكل مكبوت
وان سرّتك دنياك منها تفطن = ترى المنيه ياولد مالها صوت[/poem]


فكان هذا الرد المتواضع ، الذي أتمنى أن ينال إعجابكم واستحسانكم ..



..



يقول :



[poem=font="Simplified Arabic,6,#232556,bold,normal" bkcolor="" bkimage="" border="double,4,#9E9E8A" type=1 line=0 align=center use=ex num="0,#400000"]
لامال حظك ، خلّها تمشي وغن = لا تشتمت ولاّ ترى صرت مشموت
اضحك مع الأيام "ضحكه"، ليا جن = واضحك عليهن لادبرن ،، واكتم الصوت
ذي سنّة الأيام مسنونةٍ سن = من خلقة الدنيا .. إلى يوم موقوت
نوبٍ تيقـّن من فتنها تِـيقـّن = ونوبٍ .. تقف حاير وتايه ومبهوت
ذي سنّة الأيام مسنونةٍ سن = من خلقة الدنيا .. إلى يوم موقوت
واللي يروم النايفه مايهوّن = يلقى البخت، لو كان ماهو بمبخوت
احدٍ تمكـّن بالمراجل تِـمكّن = واحدٍ يبيها، مير صايع وسربوت
واحدٍ يعد المرجله حرفه وفن = واحدٍ يشوت المرجله كلها شوت
ذي سنّة الأيام مسنونةٍ سن = من خلقة الدنيا .. إلى يوم موقوت
احدٍ يقزرها؛ لاجل يضحك السن = واحدٍ يصارعها؛ لاجل يطعم القوت
ذي سنّة الأيام مسنونةٍ سن = من خلقة الدنيا .. إلى يوم موقوت
واللي مع الأقدار صابر ومومن = يفرح ليا جاء عند: راع الجبروت
اللي خلق سبع السماوات واتقن = قال: اعملوا ، والدرب: واضح ومنعوت
هذي تراها فرصة الإنس والجن = للي بيبني في ثرى الجنه بيوت
اعمل وكنـّك بعد بكره بتدفن = السبت يمكن مايجي غيره سبوت[/poem]




وسلامتكم ..



ولكم تحيآتي ..

اعــــــمـــــــل وكــــــنّـــــــك بــــــعـــــــد بــــــكـــــــره بــــتـــــدفـــــن
الــســبـــت يــمــكـــن مــايــجـــي غــــيــــره ســــبــــوت


الله اكبر
سلمت ياعبدلله
وطاب بيانك
ذي ســـــــنّــــــــة الأيـــــــــــــــام مـــســــنــــونــــةٍ ســــــــــــــــن
مــــن خـلـقــة الـدنــيــا .. إلـــــى يـــــوم مــوقـــوت
تمنيت لو لم تكرر البيت اكثر من مره